Maysa a lugar a paginanaan a paneknekan ti kadaanan a sursurat. Masarakan dayta iti Kalsada ni Appio, ti pagaammo unay a kangrunaan a kalsada a naglayon manipud Roma nga agturong iti Brundusium a dumalan iti Capua. Nalabit kasta ti naipanagan iti daytoy a lugar gapu iti tallo a pagdagusan sadiay a mabalin a pagsardengan dagiti agdaldaliasat tapno makapaginana ken mabang-aran. Ti ayan ti Tallo a Taberna ket 49 km (30 mi) iti abagatan a daya ti Roma. Ti Plasa ni Appio ket agarup 15 km (9.5 mi) pay ti kaadayona iti Kalsada ni Appio. Iti agdama, sumagmamano laengen a rebrebba ti Roma ti natedda iti dayta a disso. Idi nadamagda ti iyaay ni Pablo, ti maysa a bunggoy dagiti Kristiano manipud Roma nagurayda idiay Tallo a Taberna bayat a nagdaliasat ti dadduma agingga iti Plasa ni Appio.​—Ara 28:13-15.