Aniaman kadagiti adu a mula iti pamilia ti buckwheat a naalsem ti ramanda gapu ta adda oxalic acid kadagiti natubbog a bulong ken ungkayda. Dagiti bulong ti sorel (Rumex acetosella) nga agrusing iti puon ti ungkay ket agtubo a rinip-ong. Immarinduyog ti bulongda nga addaan iti kasla pana nga ungkay ken agarup 10 cm (4 pul.) ti rukodda. Dagiti ungkay ti sabsabongda ket mabalin a dumanon iti agarup 0.6 m (2 pie) wenno nasursurok pay. Idi un-unana, dagiti Israelita inlaokda ti sorel iti taraon ti bakbaka ken as-asnoda.​—Isa 30:24.