1. [nagtaud iti sao a kaipapananna ti “pagpadaen; palanasen”]. Ama da Macbena ken Gibea. Nupay kasta, gapu ta mabalin a nagnagan dagitoy ti il-ili, nalabit ni Seva ti ama dagidiay nagtaeng sadiay wenno isu a mismo ti namunganay kadagitoy nga ili. Indauluan ni Caleb (Kelubai) nga ama ni Seva ti maysa kadagiti tallo a kangrunaan a benneg dagiti kaputotan ni Juda babaen ken Hezron.​—1Cr 2:9, 48-50.

  2. Sekretario ni David.​—2Sm 20:25; kitaenyo ti SERAIAS Num. 2.