Ti letra-por-letra a patarus ti Hebreo a sao a masansan a masarakan iti Salmo ken agparang met iti Habakuk kapitulo 3. Nupay kadawyan a maipagpagarup a maysa a daytoy a teknikal a termino ti musika wenno daniw, saan nga ammo ti apag-isu a kaipapananna. Patien ti dadduma a kaipapananna ti “panagsarimadeng, panagsardeng, wenno panangmedmed,” mabalin nga iti panangkanta iti salmo tapno maiwayaan ti maysa nga interlude ti musika wenno iti panagkanta ken panagtokar maipaay iti naulimek a panagmennamenna. Aniaman kadagita, naaramat daytoy a panagsarimadeng tapno ad-adda a mayukuok ti kayeb-ebkas a banag wenno sentimiento, iti kasta maipaganetget ti naan-anay a kayulogan ti naudi a sasao. Ti patarus ti Griego a Septuagint maipaay iti Selah ket di·aʹpsal·ma, a nadepinar kas “interlude ti musika.” Kanayon nga agparang ti Selah iti ngudo ti maysa a grupo ti sasao ket gagangay nga adda dayta iti ungto ti maysa nga agsasaruno a linia ti sasao. Agparang dayta iti kanta a naglaon iti maysa a kita ti instruksion wenno termino iti musika. Iti Salmo 9:16, napakuyogan dayta iti “Higgaion,” nga intarusan ti dadduma a nainaig dayta iti musika ti arpa.