[Isu Nagsubli iti Dios; Kautibo ti Dios].

 Ti dua a lallaki nga agnagan Sebuel ket mapagsinsinnukat a natukoy kas Subael.

  1. Maysa a Levita nga anak wenno kaputotan ni Gersom nga anak ni Moises. (1Cr 23:15, 16) Ti sangakabbalayan ni Sebuel (Subael) iti dasig ti amana ket naipasalista idi inorganisar manen ni David ti panagserbi dagiti Levita (1Cr 24:20, 30b, 31), a naikkanda kadagiti annongen a pakairamanan ti panangaywan kadagiti pempen.​—1Cr 26:24.

  2. Maysa kadagiti annak ni Heman ken eksperto a musikero. Babaen iti binnunot, napili nga idauluanna ti maika-13 a benneg dagiti musikero iti santuario.​—1Cr 25:4, 6, 9, 20.