Maysa kadagiti sasao a misterioso a naisurat iti diding ti palasio ni Belsazar a binasa ken impaulog ni Daniel. (Da 5:25) Dayta ket pangadu a porma ti “Peres,” a kaipapananna ti “kagudua a siklo.” Idi imbaga ni Daniel ti kayulogan dayta a sao, saanna nga inaramat ti pangadu a porma a “Parsin,” no di ket ti pangmaymaysa a porma (Peres). (Da 5:28) Nalabit gapu ta ni Belsazar laeng ti adda a dumdumngeg idi inlawlawag ti mammadto dayta a naimpadtuan a mensahe, nupay agaplikar dayta iti dua nga agturay ti Imperio ti Babilonia, da Belsazar ken Nabonido.​—Kitaenyo ti PERES.