Ti katupag ti Hebreo a termino a nechi·lohthʹ, saan nga ammo ti nakaadawanna ken kaipapananna, nga agparang laeng iti superskripsion ti Salmo 5. Mabalin a ti Nehilot ket maysa a termino ti musika, ket patien ti adu a tumukoy dayta iti maysa a mapuyot nga instrumento, nga inaigda iti maysa a Hebreo a sao a nainaig iti cha·lilʹ (plauta). Nupay kasta, ti “[agpaay] iti Nehilot” ket mabalin a tumukoy iti maysa a samiweng. Iti Griego a Septuagint ken Latin a Vulgate, ti termino a nechi·lohthʹ ket naipatarus kas “[agpaay iti] daydiay agtawid.”