Maysa a naarian a siudad iti Canaan. Ti ari dayta a siudad ket pinarmek dagiti Israelita iti sidong ni Josue. (Jos 12:7, 8, 18) Masansan a maikunkuna a ti Lassaron isu ti distrito a maaw-awagan Sarona. Sigun ken Eusebius, nagsaad daytoy a distrito iti nagbaetan ti Bantay Tabor ken ti Baybay ti Galilea. Ti kadaanan a siudad ket mabalin a nagsaad iti moderno a Sarona (Sharona), agarup 10 km (6 mi) iti abagatan a laud ti Tiberias.