[mabalin nga, Isu Bumadang Koma].

  1. Anak ni Esau babaen iti Heveo nga asawana a ni Oholibama. Nayanak ni Jeus idiay Canaan, ngem idi agangay immakar ti pamiliada idiay Edom.​—Ge 36:2, 5-8, 14, 18; 1Cr 1:35.

  2. Kaputotan ni Benjamin; maysa a mannakigubat ken nangrugian ti maysa a pamilia ti tribu.​—1Cr 7:6, 10.

  3. Maysa a Gersonita a Levita; anak ni Simei. Yantangay agpadpada a nagbassit ti annak ni Jeus ken ti kabsatna a ni Berias, napagmaymaysa dagiti kaputotanda idi tiempo ni David.​—1Cr 23:7, 10, 11.

  4. Ti immuna a nainaganan nga anak ni Ari Rehoboam, mabalin nga anakna iti asawana a ni Mahalat. Gapu ta ad-adda ti panagayat ni Rehoboam iti sabali pay nga asawa, saan a nairaman ni Jeus kadagiti agsasaruno a mangsuno iti ari.​—2Cr 11:18-23.

  5. Maysa a Benjamita; karaman kadagiti kaputotan ni Ari Saul.​—1Cr 8:33, 39.