Bassit a teritoria nga agbaliwbaliw ken di masinunuo ti beddengna, masarakan iti amianan a daya ti Baybay ti Galilea.

 Maipagarup a ti nagan nga Iturea ket naadaw iti nagan ni Jetur nga anak ni Ismael. Kaputotan ni Jetur dagiti agnanaed iti daya ti Jordan a pinarmek dagiti Israelita. (Ge 25:15, 16; 1Cr 1:31; 5:18-23) Idi arinunos ti maikadua a siglo K.K.P., ti Macabeo nga ari a ni Aristobulo I sibaballigi a nakigubat iti Iturea, ket innayonna iti Judea ti adu a paset dayta a teritoria. Tapno makapagtalinaedda iti pagilian, kinasapulan nga agpakugit dagiti agnanaed iti Iturea ken agtungpalda iti linteg dagiti Judio. (Jewish Antiquities, XIII, 318 [xi, 3]) Idi agangay, maysa ti Iturea kadagiti teritoria a sakup ti tetrarkia ni Felipe, a tinawidna ken amana a Herodes a Dakkel.​—Lu 3:1.