[Parabur; Asi].

 Anak ti maysa nga agnagan Sofonias (saan a ti mammadto); daydiay nagsubli manipud pannakaidestiero idiay Babilonia. Ni Hen ket nadakamat mainaig iti naindaklan a korona a maikabil idi iti ulo ni Josue a nangato a padi ket kalpasanna agbalin a kukua ni Hen ken ti tallo a sabsabali pay kas pakalaglagipan iti templo ni Jehova.​—Zac 6:11, 14.

 Mabalin a ni Hen ti Josias a nadakamat iti Zacarias 6:10. Adda nagduduma a kapanunotan maipapan iti nagan a Hen: (1) maysa a nagan ti indibidual, (2) maysa a pangababaan wenno nabaliwan a porma ti nagan a Josias, ken (3) maysa a kadawyan a nombre. Iti Syriac a Peshitta, ti nagan a Josias ket agparang iti Zacarias 6:10 ken 6:14, a kas met iti nadumaduma a moderno a patarus. (Mo, La, AT) Nupay ti sasao a “ken Hen nga anak ni Sofonias” ti naikabil iti mismo a teksto ti Zacarias 6:14 iti American Standard Version, kastoy ti naikabil iti footnote a sabali pay a patarus: “Wenno, maipaay iti kinamanangngaasi ti anak [ni Sofonias].” Ti patarus a “Hen,” kas ti masarakan iti Baro a Lubong a Patarus ken iti dadduma pay, ket naibasar iti Masoretiko a teksto.