[Bimsag].

 Beddeng a disso iti sirmata ni Ezequiel maipapan iti tawid ti Israel. (Eze 47:13, 15, 16, 18) Sigun iti sumagmamano nga eskolar, saklawen dayta ti agarup isu met laeng a lugar a sakup idi ti termino a “Basan.” (Kitaenyo ti BASAN.) Nalawag a ti Hauran isu ti distrito a natukoy kadagiti kadaanan nga Egipcio a teksto (Huruna) ken dagiti Asirio a dokumento ni Salmaneser III (Hauranu). Agparang a pumadpada met dayta iti basbassit a rehion a naawagan Auranitis kadagidi Greco-Romano a panawen. Ti nagan a Hauran maar-aramat ita a tumukoy iti agallo-allon a kapanagan ti nataba ken nalabaga a daga nga adda iti nagbaetan ti Damasco ken ti Yarmuk.