[Dagiti Rehion; Dagiti Sirkito; nagtaud iti sao a kaipapananna ti “itulid”].

 Maysa a disso a nailanad mainaig iti beddeng ti Benjamin. (Jos 18:17) Ti lokasion ti Gelilot, a nadeskribir kas “adda iti sanguanan ti sasang-atan ti Adummim,” ket katupag ti ayan ti Gilgal (Jos 15:7), a maigapu iti daytoy, ti sumagmamano nga eskolar ibilangda dayta kas sabali pay a nagan ti Gilgal nga adda iti asideg ti Jerico. Kunaen ti dadduma a ti Gelilot ket maysa a disso wenno bassit a rehion iti aglawlaw ti Talʽat ed-Damm (Maʽale Adummim) iti Wadi el Qilt iti abagatan a laud ti Jerico.​—Kitaenyo ti ADUMMIM; GILGAL Num. 1.