1. [mabalin nga, Agurnong].

 Maysa kadagiti Horeo a shik iti daga ti Seir. (Ge 36:20, 21, 30) Idi agangay, ti annak ni Esau sinamsaman ken tinalipuposda dagiti Horeo. (De 2:22) Iti daytoy a kaso, ti  nagan nga Ezer mabalin a kaipapananna ti “Agurnong,” gapu iti panagduma ti ispeling iti orihinal a Hebreo. Iti 1 Cronicas 1:38, di umiso ti pannakaimaldit dayta kas “Ezar” iti adu a moderno nga edision ti King James Version, nupay umiso dayta iti edision ti 1611 kasta met kadagiti immun-una nga edision.

 [2-6: Tulong]

  2. Nalabit anak ni Efraim; isu ken ti kabsatna a ni Elead ket pinatay dagiti lallaki ti Gat “agsipud ta simmalogda tapno alaenda dagiti dinguenda.”​—1Cr 7:20, 21.

  3. Anak ni Hur a kameng ti tribu ni Juda, ken ti “ama” ni Husa. Daytoy a Husa ket mabalin a maysa a tao wenno maysa nga ili ti Juda.​—1Cr 4:1, 4; kitaenyo ti HUSA.

  4. Ti panguluen ti 11 a mamaingel a Gadita a nangisina iti bagbagida a mapan ken David idiay let-ang bayat a mapengpengdan pay laeng idi gapu ken Saul. Yantangay ni Ezer ti pannakaulo, nabatad nga isu ti kabilgan, ket ngarud “katupagna ti sangaribu.”​—1Cr 12:1, 8, 9, 14.

  5. Ti anak ni Jesua (prinsipe ti Mizpa) a nakipaset iti panangtarimaan iti maysa a benneg ti pader ti Jerusalem iti sidong ti panangiwanwan ni Nehemias idi 455 K.K.P.​—Ne 3:19.

  6. Maysa kadagiti papadi iti martsa nga inyurnos ni Nehemias idi inagurasion ti naibangon manen a pader ti Jerusalem idi 455 K.K.P.​—Ne 12:31, 41, 42.