Dagiti tedted ti estakte (Heb., na·taphʹ) ket maysa kadagiti sangkap ti insienso a nasagraduan laeng ti usarna. (Ex 30:34) Ti nainaig a berbo a porma kaipapananna ti “agtedted.” (Uk 5:4) Ti Griego a Septuagint impatarusna daytoy a sao kas sta·kteʹ, kaipapananna ti “lana ti mirra,” manipud Griego a berbo nga staʹzo, “agtedted.” Gapuna dagiti Hebreo ken Griego a termino ipatuldoda a daytoy ket maysa a balsamo nga agtedted manipud natutot a kaykayo. Ti Latin a Vulgate impatarusna ti sao kas stacte.

 Saan a masigurado ti espesipiko a kayo nga agpataud iti estakte. Karaman kadagiti naisingasing a gubuayan ket ti nasam-it tutotna a kayo iti Dumaya (Liquidambar orientalis) ken ti mastic a bassit a kayo ti pistacia (Pistacia lentiscus).