[Raay [ti Ubas]].

  1. Kabsat da Aner ken Mamre nga Amoreo. (Ge 14:13) Ni Escol ken ti kakabsatna ket kakappon ni Abraham iti panangparukma iti maysa a timpuyog ti ar-ari iti Daya.​—Ge 14:14, 24; kitaenyo ti ANER Num. 1.

  2. Maysa a naapres a ginget, nalabit masarakan iti asideg ti amianan ti Hebron. Manipud iti daytoy a ginget, dagiti Israelita a managsimisim nangawitda iti dakkel a raay ti ubas, ket dagiti kaubasan iti daytoy a lugar agdindinamagda pay laeng ita gapu iti nangato a kalidad dagiti ubasda. (Nu 13:23, 24; 32:9; De 1:24) Mabalin a ti nagan ket resulta daytoy a pasamak bayat ti panagdaliasatda nga agsimisim.