Reyna ti Etiopia a ti tesorerona nagbalin a Kristiano. (Ara 8:27) Imbes nga espesipiko a personal a nagan, maibilang a titulo ti “Candace,” a kas iti “Faraon” ken “Cesar.” Dagiti nagkauna a mannurat, a pakairamanan da Strabo, Pliny a Laklakay, ken Eusebius, inusarda daytoy nga awag iti panangtukoyda kadagiti reyna ti Etiopia. Insurat ni Pliny a Laklakay (a. 23-79 K.P.) a “ti ili [ti Meroë, kabesera ti kadaanan nga Etiopia] addaan iti sumagmamano a patakder. Kinunada nga inturayan dayta ti maysa a babai, ni Candace, maysa a nagan a naipasa kadagiti nagsasaruno a reyna iti adu a tawen.”​—Natural History, VI, XXXV, 186.