Iti naimpadtuan a dung-aw ni Ezequiel maipapan iti Tiro, natukoy dagiti lallaki manipud Arvad a nagserbi kas nasigo a gumagaud kadagiti barko ti Tiro ken kas mamaingel a mannakigubat iti buyotna. (Eze 27:8, 11) Ti Arvad ket naikuna nga isu ti bassit ken nabato nga isla a pagaammo ita kas Arwad, nga adda iti agarup 3 km (2 mi) iti asideg ti dapnis ti makin-amianan a Siria, agarup 186 km (116 mi) iti amianan nga amianan-a-daya ti Tiro. Dagiti agnanaed sadiay ket kaputotan ni Canaan.​—Ge 10:15, 18.