[nalabit, Siudad].

 Maysa a siudad ti Moab, nalabit ti kabeserana. Adda idi iti makin-abagatan a deppaar ti Ginget Arnon, ngem saan a masigurado ti eksakto nga ayanna. (Nu 21:15) No dadduma mausar ti nagan nga Ar a kasinnukat ti Moab. (De 2:9, 18, 29) Adda idi panawen a dagiti pagpatinggaan ti Moab ket dimmanon agingga iti amianan ti Arnon, ngem daytoy a rehion innala kadakuada ni Ari Sihon dagiti Amoreo. (Nu 21:26-28) Dagiti Israelita saanda a rinaut ti Moab, yantangay pinaritan ida ni Jehova nga aramidenda ti kasta, ta intedna iti annak ni Lot kas ‘pannakasanikuada’ ti “teritoria ti Moab, awan sabali, ti Ar.” (De 2:9, 18, 29) Iti pammakdaarna maipapan kadagiti panaglangalang maibusor iti Moab, impadto ni Isaias a ti Ar ‘mapagulimek’ a kadua ti dadduma pay a kangrunaan a siudad ti Moab.​—Isa 15:1.

 Yantangay ti nagan nga Ar nalabit kaipapananna ti “Siudad,” kunaen ti dadduma a ti “siudad ti Moab” (Heb., ʽir Moh·ʼavʹ) a nadakamat iti Numeros 22:36 ken kasta met ti “siudad” iti Deuteronomio 2:36 ket agpada a tumukoy iti Ar.