Nalawag a maysa a lugar iti Babilonia a di masinunuo ti ayanna, nga isu dayta ti naggapuan ti sumagmamano a nagsubli idiay Jerusalem idi nagngudon ti 70-tawen a pannakalangalang ti Juda, a dagitoy ket saanda a napasingkedan ti kapuonanda manipud kadagiti publiko a rekord. Nagbanag dayta iti pannakadiskualipikarda nga agserbi iti kinapadi. Pagarupen ti sumagmamano nga eskolar a ni Addon ket maysa a tao a di nakapaneknek iti kapuonanna.​—Esd 2:59-62; Ne 7:61-64.