[Ni Jehova Kinawesanna [ti agik-ikut iti nagan]].

  1. Kaputotan ti anak ni Levi a ni Gersom ken maysa nga inapo ni Asaf.​—1Cr 6:39-43.

  2. Benjaminita, anak ni Simei.​—1Cr 8:1, 21.

  3. Ti ama ni Maasias, a maysa kadagiti “panguluen ti ginasut” a timmulong ken Jehoiada a padi a mangduprak iti nadangkes a turay ni Athalia ken mangisaad ken Jehoas iti trono ti Juda.​—2Cr 23:1.

   4. Ti ama ni Jedida nga ina ni Ari Josias. (2Ar 22:1) Nayanak idiay Bozcat, lugar a masarakan idiay Sefela iti teritoria ti Juda.​—Jos 15:21, 33, 39.

  5. Anak ni Joiarib iti tribu ni Juda.​—Ne 11:4, 5.

  6. Padi nga agnanaed idiay Jerusalem kalpasan ti isusubli manipud pannakaidestiero idiay Babilonia, ti anak ni Jeroham.​—1Cr 9:10-12; Ne 11:12.

  7. Israelita a maysa kadagiti kaputotan ni Bani a nangidiborsio iti ganggannaet nga assawada a babbai ken namagtalaw iti annakda kalpasan ti pannakaidestiero idiay Babilonia.​—Esd 10:29, 44.

  8. Maysa met kadagiti Israelita a namagtalaw iti ganggannaet nga assawada a babbai ken annakda, a ni Binui ti inapo a pannakaulona.​—Esd 10:38, 39, 44.