1 Cronicas 16:1-43
16 Iti kasta inserrekda ti lakasa ti pudno a Dios+ ket inkabilda iti uneg ti tolda nga imbangon ni David maipaay iti dayta;+ ket rinugianda ti mangidatag kadagiti daton a mapuoran ken kadagiti sakripisio a pakikaykaysa iti sango ti pudno a Dios.+
2 Idi nalpas ni David nga indaton ti daton a mapuoran+ ken dagiti sakripisio a pakikaykaysa,+ binendisionanna+ dagiti umili iti nagan ni Jehova.+
3 Kanayonanna, biningaybingayna+ kadagiti amin nga Israelita, lalaki kasta met ti babai, iti tunggal maysa ti nagbukel a tinapay ken bibingka a datiles ken bibingka a pasas.
4 Kalpasanna insaadna iti sanguanan ti lakasa ni Jehova ti dadduma kadagiti Levita+ kas ministro,+ agpadpada tapno mangipalagip+ ken tapno agyaman+ ken mangidaydayaw+ ken Jehova a Dios ti Israel,
5 ni Asaf+ a pannakaulo, ket maikadua kenkuana ni Zacarias, ken da Jeiel ken Semiramot ken Jehiel ken Matitias ken Eliab ken Benaias ken Obed-edom ken Jeiel,+ nga addaan kadagiti pagtokar a kinuerdasan ti kitada ken addaan kadagiti arpa,+ ken ni Asaf+ nga addaan kadagiti piangpiang nga agtoktokar iti napigsa,+
6 ken da Benaias ken Jahaziel a papadi nga addaan kadagiti trumpeta+ a patinayon iti sanguanan ti lakasa ti tulag ti pudno a Dios.
7 Iti daydin nga aldaw a nangaramid ni David iti kontribusion+ iti umuna a gundaway tapno agyaman+ ken Jehova babaen ken Asaf+ ken ti kakabsatna:
8 “Agyamankayo ken Jehova;+ umawagkayo iti naganna,+Kadagiti ili ipakaammoyo dagiti aramidna!+
9 Kantaanyo,+ mangipaaykayo kenkuana iti samiweng,+Ibiangyo ti bagbagiyo iti amin a nakaskasdaaw nga ar-aramidna.+
10 Agpasindayagkayo gapu iti nasantuan+ a naganna,+Agrag-o koma ti puso dagidiay agsapsapul ken Jehova.+
11 Birokenyo ni Jehova ken ti pigsana,+Sapulenyo a patinayon ti rupana.+
12 Lagipenyo ti nakaskasdaaw nga ar-aramidna nga inaramidna,+Dagiti milagrona ken dagiti hudisial a pangngeddeng ti ngiwatna,+
13 O kaputotan ni Israel nga adipenna,+Dakayo nga annak ni Jacob, dagidiay pinilina.+
14 Isu ni Jehova a Diostayo;+ iti intero a daga adda dagiti hudisial a pangngeddengna.+
15 Lagipenyo ti tulagna agingga a mismo iti tiempo a di nakedngan,+Ti sao nga imbilinna, agingga iti sangaribu a kaputotan,+
16 A dayta a tulag pinatalgedanna ken Abraham,+Ken ti sinapataanna a sasao ken Isaac.+
17 Ken dayta a sasao pinagtalinaedna kas maysa nga alagaden ken Jacob a mismo,+Kas maysa a di nakedngan ti kapautna a tulag iti Israel a mismo,+
18 A kunkunana, ‘Kenka itdekto ti daga ti Canaan,+Kas ti bingay ti tawidyo.’+
19 Napasamak daytoy idi bassit ti bilangyo,+Wen, bassit unay, ken ganggannaet nga agnanaed iti dayta.+
20 Ket nagtultuloyda a nagpagnapagna manipud nasion agingga iti nasion,+Ken manipud maysa a pagarian agingga iti sabali nga ili.+
21 Saanna nga impalubos a sauren ida ti asinoman,+No di ket maipagapu kadakuada nangtubngar iti ar-ari,+
22 A kunkunana, ‘Saanyo a sagiden dagidiay pinulotak,Ket kadagiti mammadtok dikay agaramid iti aniaman a dakes.’+
23 Kantaanyo ni Jehova, dakayo amin iti daga!+Inaldaw-aldaw nga iwaragawagyo ti panangisalakan nga ipaayna!+
24 Ti dayagna isalaysayyo kadagiti nasion,Kadagiti amin nga ili ti nakaskasdaaw nga ar-aramidna.
25 Ta ni Jehova naindaklan ken maidaydayaw iti kasta unay,+Ket mapagbutngan a nangnangruna ngem kadagiti amin a sabali a didios.+
26 Ta amin dagiti didios ti il-ili didiosda nga awanan pateg.+No maipapan ken Jehova, inaramidna ti langlangit.+
27 Dayaw ken kinangayed addada iti sanguananna,+Pigsa ken rag-o addada iti dissona.+
28 Itdenyo ken Jehova, O pampamilia dagiti ili,Itdenyo ken Jehova ti dayag ken pigsa.+
29 Itdenyo ken Jehova ti dayag ti naganna,+Mangawitkayo iti sagut ket sumrekkayo iti sanguananna.+Agruknoykayo ken Jehova buyogen ti arkos a nasantuan.+
30 Agrigatkayo iti nakaro maigapu kenkuana, dakayo amin a tattao iti daga!Kasta met a ti nabunga a daga maipasdek a sititibker:Saanto a pulos mapagdiwengdiweng.+
31 Agragsak koma ti langlangit, ket agrag-o koma ti daga,+Ket sawenda koma iti tengnga dagiti nasion, ‘Ni met laeng Jehova nagbalinen nga ari!’+
32 Agkudduor koma ti baybay ken kasta met daydiay mangpunno iti dayta,+Agrag-o koma ti tay-ak ken ti isuamin nga adda iti dayta.+
33 Kabayatanna agriaw koma a sirarag-o dagiti kayo iti bakir maigapu ken Jehova,+Ta isu dimtengen a mangukom iti daga.+
34 Agyamankayo ken Jehova ta isu naimbag,+Ta ti naayat a kinamanangngaasina ket agingga iti tiempo a di nakedngan.+
35 Ket sawenyo, ‘Isalakannakami, O Dios ti pannakaisalakanmi,+Ket ummongennakami a sangsangkamaysa ken ispalennakami manipud kadagiti nasion,+Tapno agyamankami iti nasantuan a naganmo,+ tapno agsaokami a sirarag-o iti pakaidaydayawam.+
36 Bendito koma ni Jehova a Dios ti Israel manipud tiempo a di nakedngan agingga iti tiempo a di nakedngan.’”+Ket amin dagiti umili sinaoda ti, “Amen!” ken ti daydayaw ken Jehova.+
37 Kalpasanna pinanawanna sadiay iti sanguanan ti lakasa ti tulag ni Jehova ni Asaf+ ken ti kakabsatna tapno agserbida+ a patinayon iti sanguanan ti Lakasa, maitunos iti maikalikagum iti tunggal aldaw;+
38 ken ni Obed-edom ken ti kakabsatna, innem a pulo ket walo, ken ni Obed-edom nga anak ni Jedutun ken ni Hosa kas dagiti agay-aywan iti ruangan;
39 ken ni Sadok+ a padi ken ti kakabsatna a papadi iti sanguanan ti tabernakulo ni Jehova iti nangato a disso nga adda idiay Gabaon,+
40 tapno mangidatonda a patinayon kadagiti mapuoran a daton ken Jehova iti altar ti daton a mapuoran bigat ken rabii ken maipaay iti isuamin a naisurat iti linteg ni Jehova nga impasdekna kas bilin iti Israel;+
41 ket kaduada da Heman+ ken Jedutun ken ti dadduma pay kadagiti napili a lallaki a naituding+ sigun iti nagnagan tapno agyamanda ken Jehova,+ agsipud ta “ti naayat a kinamanangngaasina ket agingga iti tiempo a di nakedngan”;+
42 ket kaduada da Heman+ ken Jedutun,+ tapno pagunienda dagiti trumpeta+ ken dagiti piangpiang ken dagiti pagtokar iti kanta iti pudno a Dios; ket ti annak+ ni Jedutun idiayda ruangan.
43 Ket amin dagiti umili napanda tunggal maysa iti bukodna a balay.+ Iti kasta ni David naglikmut tapno bendisionanna ti bukodna a balay.
