1 Corinto 5:1-13
5 Kinaagpaysuanna adda naipadamag a pannakiabig+ iti nagtetengngaanyo, ket ti kasta a pannakiabig awan uray iti tengnga dagiti nasion, a ti asawa a tinagikua ti maysa a lalaki ket kukua ni amana.+
2 Ket agtangsitkayo+ aya, ket dikay ketdi koma aya nagleddaang,+ tapno ti tao a nagaramid iti kastoy nga aramid maikkat koma iti tengngayo?+
3 Siak a maysa, nupay awanak dita iti bagi ngem addaak iti espiritu, pudno unay nga inukomkon,+ a kasla addaak, ti tao a nagaramid iti kastoy a pamay-an,
4 tapno iti nagan ni Apotayo a Jesus, no maurnongkayo a sangsangkamaysa, kasta met ti espirituk agraman ti pannakabalin ni Apotayo a Jesus,+
5 iyawatyo ken Satanas+ ti kasta a tao maipaay iti pannakadadael ti lasag, tapno ti espiritu+ maisalakan koma iti aldaw ti Apo.+
6 Ti makagapu iti panagpasindayagyo+ saan a nasayaat. Dikay aya ammo a ti bassit a lebadura paalsaenna+ ti intero a masa?+
7 Ikkatenyo ti daan a lebadura, tapno agbalinkayo a baro a masa,+ sigun iti pannakawayawayayon iti pannakapaalsa. Ta, pudno unay, ni Kristo+ a paskuatayo+ naisakripision.+
8 Iti kasta ngilinentayo ti piesta,+ saan a buyogen ti daan a lebadura,+ wenno buyogen ti lebadura+ ti kinadakes ken kinakillo,+ no di ket buyogen dagiti di pinaalsa a tinapay ti kinapasnek ken kinapudno.+
9 Iti suratko insuratko kadakayo nga isardengyo ti makikadkadua kadagiti mannakiabig,
10 saanna a kayat a sawen a kadagiti amin a mannakiabig+ iti daytoy a lubong+ wenno kadagiti naagum a tattao ken kadagiti manangkikil wenno kadagiti managrukbab iti idolo. Ta no kasta, masapul ngarud a rummuarkayo iti lubong.+
11 Ngem ita isursuratko kadakayo nga isardengyo ti makikadkadua+ iti asinoman a maaw-awagan kabsat a maysa a mannakiabig wenno naagum+ a tao wenno managrukbab iti idolo wenno manangrabngis wenno managbarbartek+ wenno manangkikil, saan uray makipangan iti kasta a tao.
12 Ta ania ti bibiangko iti panangukom kadagidiay taga ruar?+ Saan aya nga ukomenyo dagidiay taga uneg,+
13 bayat a ti Dios ukomenna dagidiay taga ruar?+ “Ikkatenyo ti nadangkes a tao iti tengngayo.”+
