Amepusho ya mu Baibolo Ya-asukwa
Amepusho ya mu Baibolo Ya-Asukwa
Bushe kuti twaumfwikisha ifyaba mu Baibolo?
Baibolo Cebo ca kwa Lesa. Yaba kwati ni kalata ukufuma kuli wishi uwatemwa abana bakwe. (2 Timote 3:16) Muli Baibolo e mo Lesa alondolola ifyo tufwile ukucita pa kumusekesha, umulandu asuminishisha ukucula, e lyo ne fyo akacitila abantunse ku ntanshi. Lelo intungulushi sha fya mapepo tashilondolola bwino ifyaba mu Baibolo ica kuti abantu abengi balifulunganishiwa kabili bamona fye kwati tabakatale abomfwikisha Baibolo.—Imilimo 20:29, 30.
Yehova Lesa afwaya ukuti twishibe icine pali wene. E mulandu wine atupeelela ici icitabo ico twingomfwikisha ifyabamo.—Belengeni 1 Timote 2:3, 4.
Kuti mwacita shani pa kuti mumfwikishe ifyaba mu Baibolo?
Yehova tatupeela fye Baibolo, lelo alatwafwa no kumfwikisha ifyabamo. Atumine Yesu ukwisa mu kutusambilisha. (Luka 4:16-21) Yesu alyafwile abantu ukumfwikisha Amalembo, pantu aleyalondolola bwino sana.—Belengeni Luka 24:27, 32, 45.
Yesu alipangile icilonganino ca Bwina Kristu pa kuti nga aya, umulimo atendeke ukatwalilile. (Mateo 28:19, 20) Muno nshiku, abasambi ba kwa Yesu aba cishinka balafwa abantu ukumfwikisha ifyo Baibolo isambilisha pali Lesa. Nga ca kuti mulafwaisha ukumfwikisha ifyaba mu Baibolo, Inte sha kwa Yehova kuti shamwafwa.—Belengeni Imilimo 8:30, 31.
Nga mulefwaya ukwishibilapo na fimbi, belengeni icipandwa 2 muli ici citabo, Bushe cinshi Baibolo Isambilisha?, icalembwa ne Nte sha kwa Yehova
Nalimo Kuti Mwatemwako ne fi
ULUPUNGU LWA KWA KALINDA
Ni Bani Bengamwafwa Ukwishiba Ifyaba mu Baibolo?
Nga ca kuti ico kwabela Baibolo kufwaya ukuti tuleishiba ifyabamo, cinshi mwingafwaila ukukwata uwa kumwafwa ukwishiba ifyabamo?
PA NTE SHA KWA YEHOVA
Lombeni Ukumutandalila
Lanshanyeni icipusho ca mu Baibolo, nelyo ishibilenipo na fimbi pa Nte sha kwa Yehova.
AMASUKO KU MEPUSHO YA MU BAIBOLO
Finshi Mufwile Ukucita pa Kuti Mwishibe Baibolo?
Te mulandu ne nkulilo yenu, kuti mwaishiba amashiwi ya kwa Lesa ayaba mu Malembo ya Mushilo.
PA NTE SHA KWA YEHOVA
Mulandu Nshi Mulingiile Ukusambilila Baibolo?
Mu Baibolo mwaliba ifyasuko ku mepusho yacindama ayo abantu abengi pano calo bakwata. Bushe na imwe kuti mwatemwa ukusanga amasuko ku mepusho mwakwata?
