Ukufuma fye apo umupashi wa mushilo waishiile pa basambi ba kwa Yesu pa Pentekoste mu mwaka wa 33 ninshi Yesu alibwelelamo ku muulu, abasambi bali abacincila ilyo balebomba umulimo wa kubila pa Bufumu bwa kwa Lesa. Muli cino cipande, twalalanda sana pa fyo icilonganino ca Bena Kristu catendeke, pa fyo abasambi babilile sana imbila nsuma mu Yerusalemu, na pa fyo abatumwa baali abashipa nangu ca kuti balebacusha sana.