Muli cino cipande twalamona ifyo Paulo alecita nga bamusansa ku mabumba ya bantu abakalipe, ne fyo aleshipikisha ilyo balemubika mu fifungo e lyo ne fyo aleilama nga bamutwala ku cilye pa ntanshi ya balashi abena Roma. Te mulandu na mafya yonse ayo Paulo akwete alitwalilile ukulabila imbila nsuma pa Bufumu bwa kwa Lesa. Ilyo mulesondwelela ukubelenga amalyashi ayaba mwi buuku lya Imilimo, mufwile ukuipusha amuti, ‘Bushe kuti napashanya shani uyu kabila wa mbila nsuma uwali uwacincila kabili uwashipa?’