Hosea 14:1-9
14 “Bwelela kuli Yehova Lesa obe, we Israele,+Pantu wali-ipununa pa mulandu ne fyo ulufyanya.
2 Bweleleni kuli Yehova na aya mashiwi,Mumwebe amuti, ‘Tweleleni pa fyo tulufyanya+ kabili pokeleleni icisuma,Kabili tukamulumbanishisha ku milomo yesu+ nga filya twingatuula abana ba ng’ombe abalume.
3 Asiria takatupusushe.+
Tatwakendele pali bakabalwe,+Kabili tatwakatwalilile ukweba ico iminwe yesu yapanga atuti: “Nimwe Lesa wesu!”Pantu nimwe mumfwila abana abashakwata bashibo uluse.’+
4 Nkabondapa pa kuti bakaleke ukukanaba ne cishinka.+
Nkaitemenwa fye ukubatemwa,+Pantu ubukali bwandi nabufuma pali bena.+
5 Nkaba ngo mume kuli Israele;Akabalula nge lubaKabili imishila yakwe ikaya sana panshi nge fimuti fya mu Lebanone.
6 Utumisambo twakwe tukakula,Akalamoneka bwino nga filya icimuti ca muolife cimoneka,Kabili akalanunkila nga filya icimuti ca mu Lebanone cinunkila.
7 Bakekala mu cintelelwe cakwe na kabili.
Bakalima ingano kabili bakabalula ngo mwangashi.+
Bakalumbuka* nga filya umwangashi wa mu Lebanone walumbuka.
8 Efraimu akalanda ati, ‘Bushe nomba utulubi twa nshi kuli ine?’+
Nkamwasuka kabili nkalamulinda.+
Nkafumba nge cimuti ca mukupri.
Muli ine e mo ukalasanga ifisabo fyobe.”
9 Nani uwa mano? Lekeni omfwikishe ifi fintu.
Nani uwiluka? Lekeni afishibe.
Pantu inshila sha kwa Yehova shalilungama,+Kabili abalungama bakendamo;Lelo bampulamafunde bakaipununa muli ishi inshila.
Amafutunoti
^ Mu ciHebere, “bakalabebukisha.”
