Hosea 13:1-16
13 “Efraimu nga alanda, abantu baletutuma;Balimucindike sana mu Israele.+
Lelo aishilekwata umulandu wa kupepa Baali+ kabili alifwile.
2 Nomba ku membu shabo nabalundako na shimbiKabili kuli silfere+ yabo balapangako ifimpashanya fya cela;*Balicenjela mu kupanga ifilubi, ifyo abaume abaishiba sana ifya kupangapanga bapanga.
Balanda abati, ‘Lekeni abaume abapeela amalambo batomone abana ba ng’ombe.’+
3 E ico bakaba nga makumbi ya lucelo,Ngo mume uukuntika lucelocelo,Nge misungu ya apa kupumina ingano iyo icimwela icikalamba culula.Kabili nge cushi icifumina pa cipunda ca mu mutenge.
4 Lelo ine nine Yehova Lesa obe ukutula fye ilyo wali mu calo ca Egupti;+Takwali Lesa umbi uo waishibe kano ine,Kabili takwaba umupusushi umbi ukucila pali ine.+
5 Nalikwishibe ilyo wali mu matololo,+ mu calo umwali icilala.
6 Balitemenwe impanga yabo iya mulemfwe,+Balitemenwe kabili baishileba ne cilumba mu mitima yabo.
E ico balindabile.+
7 Kuli bena nkaba nge nkalamo iyana,+Nge mbwili iibeleme mu mbali ya nshila.
8 Nkabeshila nga bere uulufishe abana,Kabili nkabalepaula ififuba.
Kulya kwine e ko nkabaliila nge nkalamo;Iciswango ca mu mpanga cikabasantaula.
9 Cikakonaula we Israele,Pantu walinjalukila, ne kaafwa obe.
10 Nomba bushe imfumu yobe ili kwi, pa kuti ikupusushe mu misumba yobe yonse,+Kabili intungulushi* shobe shili kwi, isho walandilepo auti,‘Mpeeleni imfumu na bacilolo’?+
11 Nakupeelele imfumu mu bukali,+Kabili nkaipoka ninshi ninkalipa nga nshi.+
12 Icilubo ca kwa Efraimu nacipombwa,Ulubembu lwakwe nalusungwa.
13 Ukucula kwa pa kupaapa kukamwishila.
Lelo mwana uushakwata amano;Takafwaye ukufyalwa ilyo inshita ya kuti afyalwe ikafika.
14 Nkabapususha ku maka ya Nshiishi;*Nkabapokolola ku mfwa.+
We Mfwa, ulubola lobe luli kwi?+
We Nshiishi, amaka yobe ayakonaula yali kwi?+
Nshakabomfwile uluse.
15 Nangu fye akatwalishe nga matete,Umwela wa ku kabanga ukesa, umwela wa kwa Yehova,Ukafuma ku ciswebebe kabili ukesakamya icishima cakwe na kamfukumfuku kakwe.
Ukesapoka ifipe fyakwe fyonse ifisuma.+
16 Samaria akaba no mulandu,+ pantu alipondokela Lesa wakwe.+
Bakabepaila ku lupanga,+Abana babo bakabasantaula,Kabili abanakashi babo abali na mafumo bakabatumbula.”
Amafutunoti
^ Nelyo “ifimpashanya ifyaengwa.”
^ Mu ciHebere, “bakapingula.”
^ Nelyo “Sheol,” e kutila, inshiishi ya bantu bonse. Moneni Amashiwi ya mu Baibo ne fyo Yapilibula.
