Oseas 8:1-14
8 “Magpatanog ka nin hamudyong!+
May minaabot na garo agila laban sa harong ni Jehova,+Huli ta binalga ninda an sakuyang tipan+ asin linapas ninda an sakuyang katugunan.+
2 Nagkukurahaw sinda sa sako, ‘O samuyang Diyos, kaming Israel, midbid mi ika!’+
3 Isinikwal kan Israel an marahay.+
Lalapagon siya nin kaiwal.
4 Nagnombra sinda nin mga hadi, pero bakong paagi sa sako.
Nagtalaga sinda nin mga pamayo,* pero mayo diyan an pag-aprubar ko.
Gamit an saindang plata saka bulawan naggibo sinda nin mga idolo,+Sa ikakalaglag ninda.+
5 Isinikwal an saimong ugbon na baka, O Samaria.+
Naglalaad an sakuyang kaanggutan sa sainda.+
Sagkod nuarin sinda magdadanay na mayong kakayahan na dalisayon an saindang sadiri?*
6 Huli ta hali iyan sa Israel.
Ginibo iyan nin sarong ekspertong trabahador, asin bako iyan Diyos;An ugbon na baka kan Samaria rurunuton.
7 Huli ta duros an isinasabwag ninda,Asin duros nin bagyo an aanihon ninda.+
Mayo nin mga hinog na tipasi an mga uhoy.+An ano man na nagtutubo dai puwedeng gibuhon na harina.
Kun igwa man nin magin bunga, hahalunon iyan kan mga dayuhan.*+
8 Hahalunon an Israel.+
Mapapabilang sinda ngunyan sa mga nasyon,+Siring sa lalagan na habo nin siisay man.
9 Huli ta nagduman sinda sa Asiria,+ siring sa sarong nagsosolong layas na asno.
Nagkua an Efraim nin mga sambay, asin binayadan niya sinda.+
10 Maski hali sa mga nasyon an mga sambay na binayadan ninda,Titipunon ko sinda ngunyan;Mapuon sindang magsakit+ dahil sa pagabat na ipapautob kan hadi asin kan mga pamayo.*
11 Huli ta pinadakul kan Efraim an saiyang mga altar, asin nagkasala siya.+
Ginamit niya an mga altar na iyan para gumibo nin kasalan.+
12 Isinurat ko para sa saiya an dakul na bagay kan sakong katugunan,*Pero binaliwala lang an mga iyan.+
13 Nagdudulot sinda sa sako nin mga atang na regalo, asin kinakakan ninda an karne,Alagad dai diyan nauugma si Jehova.+
Ngunyan gigirumdumon niya an saindang mga pagkakasala asin papadusahan sinda dahil sa saindang mga kasalan.+
Buminaling* sinda sa Ehipto.+
14 Liningawan kan Israel an saiyang Kaggibo,+ asin nagtugdok siya nin mga templo,+Asin pinadakul kan Juda an saiyang mga siyudad na may matibay na depensa.+
Pero mapaabot ako nin kalayo sa saiyang mga siyudad,Asin tutumtumon kaiyan an mga tore kan lambang siyudad.”+
