Oseas 5:1-15
-
Paghukom sa Efraim saka Juda (1-15)
5 “Danguga nindo ini, kamong mga saserdote,+Magtao kamong atensiyon, O nasyon* nin Israel,Magdangog kamo, kamo na kabilang sa palasyo kan hadi,*Dahil kamo an huhukuman;Huli ta saro kamong silo sa MizpaAsin sarong hikot na nakatáon* sa ibabaw kan Tabor.+
2 Asin an mga rebelde* nagpangana* sa paggadan,Asin pinapatanidan* ko sinda gabos.
3 Bisto ko an Efraim,Asin dai makakatago sako an Israel.
Huli ta ngunyan, O Efraim, nakidurog ka maski kiisay;*Rinamugan kan Israel an sadiri kaini.+
4 An saindang mga ginigibo an dahilan kaya dai sinda makakabalik sa saindang Diyos,Huli ta igwa sinda nin pagmawot na makisaro;*+Asin dai ninda minimidbid si Jehova.
5 An kapalangkawan kan Israel an nagin testigo laban sa saiya;*+Parehong nasingkog an Israel saka an Efraim dahil sa pagkakasala ninda,Asin an Juda nasingkog man kaiba ninda.+
6 Dara an saindang mga karnero saka mga baka hinahanap ninda si Jehova,Pero dai ninda siya mahanap.
Ruminayo siya sa sainda.+
7 Trinaydor ninda si Jehova,+Huli ta nagkaigwa sinda nin mga aking dayuhan.
Kaya sa laog nin sarong bulan mauubos sinda* saka an mga pagsadiri* ninda.
8 Magpatanog kamo nin hamudyong+ sa Gibeah, nin trumpeta sa Rama!+
Magkurahaw kamo nin kurahaw nin pakikipaglaban sa Bet-aven+—manginot ka, O Benjamin!
9 O Efraim, matarakig sa takot an mga makakahiling saimo sa aldaw nin pagpadusa.+
Ipinaisi ko na sa mga tribo nin Israel kun ano an siguradong mangyayari.
10 An mga pamayo* kan Juda nagin siring sa mga nag-iisog nin linderos.*+
Garo tubig na iuula ko sainda an sakuyang kaanggutan.*
11 Nasakitan an Efraim asin narunot huli sa paghukom,Dahil determinado siyang sumunod sa mga kaiwal niya.+
12 Kaya nagi akong garo mapandestrosong insekto* sa EfraimAsin garo kalapaan sa nasyon* nin Juda.
13 Kan mahiling kan Efraim an hilang niya, asin kan Juda an lugad kaini,Nagduman an Efraim sa Asiria+ asin nagsugo nin mga mensahero sa sarong makapangyarihan na hadi.
Pero dai niya kamo kayang paumayan,Asin dai niya kayang bulungon an saindong lugad.
14 Magigi akong arog nin durudakula nang leon sa EfraimAsin arog nin makusog na leon* sa nasyon nin Juda.
Ako mismo an magutay-gutay sa sainda, dangan mahali ako;+Tatabagon* ko sinda, asin mayo nin magliligtas sa sainda.+
15 Mahali ako asin mabalik sa sadiri kong lugar sagkod sa saparon ninda an mga konsekwensiya kan saindang kasalan,Dangan hihinguwahon nindang makua an pag-uyon* ko.+
Pag nasa kasakitan sinda, hahanapon ninda ako.”+
Mga Nota
^ O “nakataan; nakalaag.”
^ Sa literal, “O harong kan hadi.”
^ Sa literal, “harong.”
^ O “napapasuway.”
^ O “naimbuweltong marhay.”
^ O “didisiplinahon.”
^ O “nagi kang imoral; naggibo ka nin prostitusyon.”
^ O “nin espiritu nin prostitusyon; nin espiritu nin imoralidad.”
^ Sa literal, “sa saiyang lalawgon.”
^ O “daga.”
^ Sa literal, “Ngunyan sisibaon sinda nin sarong bulan.”
^ O “prinsipe.”
^ O “sagkudan.”
^ O “dagit.”
^ Sa literal, “polilya.” Sa Ingles, moth.
^ Sa literal, “harong.”
^ O “nin durudakula nang leon na may bunday.”
^ O “Lalalayon.”
^ Sa literal, “lalawgon.”
