Oseas 4:1-19
4 Danguga an tataramon ni Jehova, O banwaan nin Israel,Huling igwa nin kaso si Jehova laban sa mga nakaistar sa nasyon,+Huli ta mayo sa nasyon an katotoohan o an maimbod na pagkamuot o an kaaraman manungod sa Diyos.+
2 Lakop an putik na mga pagsumpa asin an pagputik+ saka paggadan,+Pati an paghabon* saka pagsambay,+Asin sunod-sunod an pagpabulos nin dugo.+
3 Kaya magmumundo an nasyon+Asin an gabos na nakaistar diyan mangruruluya;Mapapara an mga layas na hayop sa kalangtadan saka an mga gamgam sa kalangitan,Pati an mga sira sa dagat.
4 “Alagad, dai na makipagdiskutir o magsaway an siisay man,+Huli ta an saimong banwaan siring sa mga tawong nakikidiskutiran sa sarong saserdote.+
5 Kaya masisingkog ka maski maliwanag an aldaw,Asin an propeta masisingkog man kaiba mo, na garo baga banggi na.
Asin papasilensiyuhon* ko an saimong ina.
6 Papasilensiyuhon* an sakuyang banwaan, dahil mayo sindang kaaraman.
Dahil isinikwal nindo an kaaraman,+Isisikwal ko man kamo sa paglilingkod bilang sakong saserdote;Asin dahil liningawan nindo an katugunan* kan saindong Diyos,+Lilingawan ko man an saindong mga aki.
7 Mantang mas nagdadakul sinda, mas nagdadakul man an kasalan ninda sako.+
Gigibuhon kong kasusupgan an saindang kamurawayan.*
8 Nagpapakabasog sinda hali sa kasalan kan sakuyang banwaan,Asin gustong-gusto ninda na* magkasala an mga ini.
9 Pareho an kaaabtan kan banwaan asin kan saserdote;Papanimbagon ko sinda sa saindang mga dalan,Asin ipapasapar ko sa sainda an mga konsekwensiya kan mga ginigibo ninda.+
10 Makakan sinda, pero dai sinda mababasog.+
Makikidurog sinda maski kiisay,* pero dai sinda madakul,+Huling binaliwala ninda si Jehova.
11 An pakikisaro* asin arak saka bagong arakNakakahali kan motibasyon na gibuhon an tama.*+
12 Nagkokonsulta an banwaan ko sa saindang mga kahoy na idolo,Asin ginigibo ninda an sinasabi sainda kan baston* ninda;Dahil ilinalagalag sinda kan pagmawot na makisaro,*Asin paagi sa pakikisaro* ninda nagsasayuma sindang magpasakop sa saindang Diyos.
13 Sa alituktok kan mga bukid nag-aatang sinda,+Asin sa ibabaw kan mga bulod nagpapaaso sinda nin mga atang,Sa sirong kan mga puon nin ensina* saka kan mga puon nin estorake asin kan lambang dakulang kahoy,+Dahil malimpoy sa sirong kan mga iyan.
Iyan an dahilan kaya nakisaro* an saindong mga aking babayiAsin nagsambay an saindong mga manugang na babayi.
14 Dai ko papanimbagon an saindong mga aking babayi sa pakikisaro* ninda,Asin an saindong mga manugang na babayi sa pagsambay ninda,
Huli ta an mga lalaki an nag-iiba sa mga hostesAsin nag-aatang kaiba kan mga hostes* sa templo;Malalaglag an arog kaiyan na mga tawo na daing pakasabot.+
15 Maski nakikisaro ka,* O Israel,+Dai mo na papagkasalaon kaiyan an Juda.+
Dai kamo magduman sa Gilgal+ o sa Bet-aven,+Asin dai kamo magsumpa, na nagsasabi, ‘Isinusumpa ko sa ngaran kan buhay na Diyos na si Jehova!’+
16 Huli ta siring sa sutil na baka, nagin sutil an Israel.+
Papasturan daw sinda ngunyan ni Jehova siring sa ugbon na lalaking karnero sa mahiwas na pasabsaban?*
17 Nagsasamba an Efraim sa mga idolo.+
Pabayaan nindo siya!
18 Pag ubos na ninda an saindang serbesa,*Nakikidurog sinda maski kiisay.*
Asin gustong-gusto kan mga tagapamahala* niya an kawaran nin onra.+
19 Ipapadpad* siya kan duros paagi sa mga pakpak kaini,Asin mapapasupog sinda dahil sa saindang mga atang.”
Mga Nota
^ O “paghabas.”
^ O “lalaglagon.”
^ O “instruksiyon.”
^ O “Lalaglagon.”
^ O posibleng “Irinibay ninda sa kasusupgan an sakong kamurawayan.”
^ O “Magigi sindang sobra kaimoral; Magibo sinda nin prostitusyon.”
^ Sa literal, “Naghahali nin puso.”
^ O “prostitusyon; imoralidad.”
^ O “sugkod nin parahula.”
^ O “kan espiritu nin prostitusyon; kan espiritu nin imoralidad.”
^ O “prostitusyon; imoralidad.”
^ Sa Ingles, oak.
^ O “naggibo nin prostitusyon; naggibo nin imoralidad.”
^ O “prostitusyon; imoralidad.”
^ O “naggigibo ka nin prostitusyon; naggigibo ka nin imoralidad.”
^ Sa literal, “lugar.”
^ O “serbesang hali sa trigo.”
^ O “Nagigi sindang sobra kaimoral; Naggigibo sinda nin prostitusyon.”
^ Sa literal, “mga kalasag.”
^ O “Papatuson.”
