ISikhumbuzo Sokufa KukaJesu
NgoLwesine, Ephreli 2, 2026
Kanye ngonyaka, oFakazi BakaJehova bakhumbula ukufa kukaJesu njengoba abayala wathi: “Qhubekani nikwenza lokhu ningikhumbula.”—Luka 22:19.
Siyakumema wena nomndeni wakho ukuba nibe khona kulesi senzakalo.
Imibuzo Evame Ukubuzwa
Obani abamenywayo?
Wonke umuntu wamukelekile. Ungeza nomndeni wakho.
Izothatha isikhathi esingakanani le mihlangano?
Inkulumo yeBhayibheli ekhethekile izothatha uhhafu wehora.
Izoba kuphi le mihlangano?
Ukuze uthole imininingwane eyengeziwe, xhumana noFakazi BakaJehova basendaweni yangakini.
Ingabe kungenwa ngemali noma uphoqelekile ukuba khona?
Cha.
lzothathwa yini inkongozelo?
Cha. Asiyithathi nhlobo inkongozelo emihlanganweni yethu.—Mathewu 10:8.
Ingabe kunendlela ekhethekile okugqokwa ngayo?
Cha. Noma kunjalo, oFakazi BakaJehova bazama ukugqoka ngendlela ebonisa isizotha nenhlonipho.
Yini ezokwenziwa eSikhumbuzweni?
Lo mhlangano uqalwa futhi uphethwe ngokucula ingoma bese isikhonzi esinguFakazi KaJehova siyathandaza. Kuzoba nenkulumo ezoxoxa ngokuthi kubaluleke ngani ukufa kukaJesu nokuthi singazuza kanjani kulokho uNkulunkulu noKristu abasenzele kona.
Ukuze uthole okwengeziwe, bheka isihloko esithi “Kungani OFakazi BakaJehova Begcina ISidlo SeNkosi Sakusihlwa Ngendlela Ehlukile Kweyezinye Izinkolo?”
Sizoba nini iSikhumbuzo seminyaka elandelayo?
2026: NgoLwesine, Ephreli 2
2027: NgoMsombuluko, Mashi 22
Okunye Ongase Ukuthande
ISIKHUMBUZO
Khumbula Ukufa KukaJesu
Sikumema ngenhliziyo emhlophe ukuba ube kanye nathi kulesi senzakalo esibalulekile. Uzothola ukuthi ukuphila nokufa kukaJesu kungakuzuzisa kanjani.
IZIMFUNDISO ZEBHAYIBHELI EZIBALULEKILE
Kungani UJesu Afa?
Kungenzeka uke wezwa kuthiwa wafela izono zethu. Kodwa ingabe umnikelo owodwa ungazizuzisa ngempela izigidigidi zabantu?
IZIHLOKO EZENGEZIWE
Zuza Emhlatshelweni KaJesu
Yiziphi izinto ezimbili ezibalulekile uJesu asifundisa ukuba sizenze ukuze sizuze ekufeni kwakhe?
