NDAA 1

Dios bizáʼ ti paraísu para guibani binni ndaaniʼ

Ximodo rusiene Biblia bizáʼ Dios binni. Xi biʼniʼ mandar Dios primé hombre ne primé gunaa.

NDAA 2

Gulee Dios laacabe ndaaniʼ Paraísu

Ora gulidxe Dios Adán ne Eva pur ni bíʼnicaʼ, xi biʼniʼ Dios para ganda cueza binni xiixa galán despué.

NDAA 3

Cani bilá de ti nisaguié naroʼbaʼ

Ximodo bidale guendaquéiquiiñeʼ lu guidxilayú. Ximodo bisihuinni Noé gupa fe.

NDAA 4

Biʼniʼ Dios ti pactu ne Abrahán

Xiñee guyé Abrahán Canaán. Xi pactu biʼniné Jiobá Abrahán.

NDAA 5

Guluu ndaayaʼ Dios Abrahán ne binnilidxi

Xi gucalaʼdxiʼ Jiobá ñanna binni ora gunábabe Abrahán guti Isaac. Xi profecía guníʼ Jacob ante gatiʼ.

NDAA 6

Job bizuubaʼ stiidxaʼ Dios

Ximodo rusihuinni libru sti Job zanda gacané binni ne ángel para guihuinni napa Dios derechu de guni mandar.

NDAA 7

Dios bilá ca israelita

Ximodo biquiiñeʼ Dios Moisés para gulee ca israelita de esclavu Egipto. Xi pur raca Pascua.

NDAA 8

Gucuaa ca israelita guidxi Canaán

Dxi guyuu ca israelita guidxi Canaán, xiñee bitiidilaʼdxiʼ Jiobá Rahab ne binnilidxi Jericó.

NDAA 9

Gunabaʼ guidxi Israel gapa ti rey

Dxi gunabaʼ ca israelita gápacaʼ ti rey, gulí Jiobá Saúl. Xiñee guluu Jiobá David lugar stiʼ rey Saúl.

NDAA 10

Salomón, ti rey nuu xpiaaniʼ

Gunáʼ nga chupa chonna ejemplu ra bisihuinni Salomón nuu xpiaaniʼ. Xi bizaacabe dxi bidxiidéchebe Jiobá.

NDAA 11

Ca diidxaʼ riuundaʼ ni rusiidiʼ ne riguixhedxí ladxidoʼno

Xi Salmo rusihuinni racané Dios cani nadxii laa ne riguixhedxibe ladxidoʼcaʼ. Xi biʼniʼ rey Salomón casi rieeteʼ lu Cantar de los Cantares.

NDAA 12

Ca conseju stiʼ Dios racanécani laanu lu xquendanabáninu

Biiyaʼ ximodo zanda gacané ca conseju ni zeeda lu libru stiʼ Proverbios ne Eclesiastés laanu ne ximodo zanda gápanu confianza Dios.

NDAA 13

Ca rey nachaʼhuiʼ ne ca rey malu

Ximodo beeda gaca Israel chupa reinu.

NDAA 14

Dios biquiiñeʼ caadxi profeta para guiniʼcaʼ pur laabe

Xidé guníʼ ca profeta stiʼ Dios. Biiyaʼ tapa tema ni guníʼcabe.

NDAA 15

Ti profeta ni nuu de esclavu biiyaʼ caadxi visión

Xi biziidiʼ Daniel de Mesías ne de Reinu stiʼ Dios.

NDAA 16

Bedandá Mesías

Ximodo biquiiñeʼ Jiobá ca ángel ne Juan ni Riguunisa para guluiʼcaʼ Jesús nga Mesías. Xi biʼniʼ Jiobá para bihuinni dxichi Xiiñibe nga Mesías.

NDAA 17

Guníʼ Jesús de Reinu stiʼ Dios

Xidé guníʼ Jesús ora bicheeche diidxaʼ. Ximodo rihuinni zuni gobiernu stibe ni jneza ne zannaxhii binni.

NDAA 18

Ca milagru biʼniʼ Cristu

Xi bisihuinni ca milagru stiʼ Jesús de poder ni nápabe para guni mandarbe lu guidxilayú riʼ.

NDAA 19

Cani guníʼ Jesús zazaaca dxiqué laaca cayaca cani yanna

Xi riníʼ seña ni bidii Jesús ca apóstol stiʼ.

NDAA 20

Guendaguti stiʼ Cristu

Xi cosa nacubi gudixhe Jesús ante gutoo Judas laa ne ante guicá lu yaga.

NDAA 21

Biasa Jesús de lade gueʼtuʼ

Ximodo gunna ca discípulo stiʼ Jesús maʼ biásabe lade gueʼtuʼ.

NDAA 22

Ca apóstol que bicheechecaʼ diidxaʼ ne guendanadxibalú

Xi bizaaca lu saa stiʼ Pentecostés. Ximodo biiyaʼ ca enemigu ora bicheeche ca discípulo stiʼ Jesús diidxaʼ.

NDAA 23

Modo bireeche ca diidxaʼ nacubi ne galán

Xi bizaaca ora bisianda Pablu ti hombre de Listra. Ora gunabadiidxaʼ ca xpinni Cristu ni naca judíu Pablu de chinándacaʼ ley stiʼ Moisés, ximodo guca chaahuiʼ guendanagana que. Ximodo yendá Pablu Roma.

NDAA 24

Ca carta bicaa Pablu ra nuu ca neza binni ridagulisaa

Xi guníʼ Pablu de modo naquiiñeʼ gata chaahuiʼ ca neza binni ridagulisaa. Xi guniʼbeʼ de ni zá de gunaa.

NDAA 25

Ca carta ni caníʼ de fe, xpiaʼ binni ne de guendarannaxhii

Ximodo zanda gusihuinni ti xpinni Cristu napa fe. Ximodo zanda gusihuinni binni dxandíʼ nadxii Dios.

NDAA 26

Zabiguetaʼ zaca Guidxilayú riʼ ti paraísu

Ximodo rusaa libru stiʼ Apocalipsis cani zeeda lu Biblia.

Cani zeeda lu Biblia: Cani bizíʼdinu

Ximodo bisiene Jiobá chaahuiʼ chaahuiʼ tuu nga chigaca Mesías, ni chiguni Guidxilayú riʼ ti paraísu sti biaje.