Eaha to roto?

Mau faaho'iraa ê

Tapura tumu parau

Ite no Iehova

Tahiti

Te Pare Tiairaa  |  Novema 2013

 TUMU PARAU MATAMUA | EAHA TE POROI O TE BIBILIA?

‘Ua itea ia matou te Mesia’!

‘Ua itea ia matou te Mesia’!

E maha hanere matahiti i muri a‘e i te papairaahia te buka hopea na roto i te reo Hebera, ua tupu ta Mika i tohu no nia i te Mesia. Ua fanauhia Iesu i Betelehema. E 30 tiahapa matahiti i muri a‘e, i 29 o to tatou tau, ua tupu te tuhaa matamua o te parau tohu a Daniela no nia i te taeraa mai o te Mesia. Ua bapetizohia Iesu e ua faatavai atu te Atua i te varua mo‘a. Ua tae mai iho â te Mesia tiaihia, te Huero, mai tei tohuhia!

Ua haamata oioi Iesu i ta ’na taviniraa ma te “poro haerea i te parau maitai ra i te basileia o te Atua.” (Luka 8:1) Mai tei tohuhia, ua faaite Iesu i te hamani maitai e te mǎrû e ua tâu‘a mau ia vetahi ê. Mea ohie ia faaohipa i ta ’na haapiiraa î i te here e ua faaora i “te mau pohe atoa” o te taata. Ua haapapu te reira i ta te Atua turu ia ’na. (Mataio 4:23) Ua haere atu te tamarii, taata paari e ruhiruhia ia Iesu a parau atu ai ma te papu: ‘Ua itea ia matou te Mesia’!—Ioane 1:41.

Ua tohu Iesu e e tupu te tama‘i, aueueraa fenua e e rave rahi atu â ati hou a faatere ai to ’na Basileia i te taatoaraa o te fenua. Ua faaitoito oia i te taata atoa ia “ara.”—Mataio 24:42.

Ei taata tia roa, ua auraro noa iho â Iesu i te Atua. Ua patoi atu râ to ’na mau enemi e ua haapohe ia ’na. Maoti to ’na pohe, ua pûpû oia i te tusia tia roa ia fana‘o faahou tatou i ta Adamu e Eva i ere, te tiaturiraa e ora e a muri noa ’tu i roto i te paradaiso.

Mai tei tohuhia, e toru mahana i muri a‘e i to Iesu pohe, ua faatia faahou te Atua ia ’na a horoa ’tu ai i te mana rahi. Ua fa Iesu i mua e 500 tiahapa pǐpǐ. Hou a haere ai i te ra‘i, ua faaue o ’na i ta ’na mau pǐpǐ ia faaite i te parau apî oaoa no nia ia ’na e to ’na Basileia i to “te mau fenua atoa.” (Mataio 28:19) Mea nafea ratou i faahope ai i tera ohipa?

Faatiaraa o te Mataio, Mareko, Luka, Ioane, Korinetia 1.