Eaha to roto?

Mau faaho'iraa ê

Tapura tumu parau

Ite no Iehova

Tahiti

Te Pare Tiairaa  |  Novema 2013

 TUMU PARAU MATAMUA | EAHA TE POROI O TE BIBILIA?

No te aha e hi‘opoa ’i i te Bibilia?

No te aha e hi‘opoa ’i i te Bibilia?

No oe, eaha te papai tuiroo roa ’‘e i te ao nei? O te Bibilia iho â. No te aha? No te aamu mau e vai ra i roto e faaite ra i te oraraa o te taata e to ratou taairaa e te Atua. Ma te parau ohie ia taa, e haapii mai iho â tera mau faatiaraa ia tatou. Ua nehenehe te reira e hurihia na roto e hanere reo taahia e te taata no te mau vahi e tau atoa. E mea tano noa iho â te mau aratairaa Bibilia.

Hau roa ’tu â, e ere te Bibilia i te hoê noa buka no nia i te Atua, no ǒ mai râ ia ’Na. I roto hoi e itehia ’i to ’na i‘oa, huru e ta ’na opuaraa tei ore i taui a poiete ai i te fenua e te taata. E faaite atoa te Bibilia i te upootiaraa o te maitai i nia i te ino, te tahi ïa faatiaraa faahiahia e te hoê hopea oaoa mau. A taio ai i te Bibilia ma te mana‘o maitai e noaa ’i te faaroo e te tiaturiraa.

I roto noa te Bibilia e itehia ’i te tahi mau haamaramaramaraa. Te faaite maira te reira i te parau mau no nia i to muri nei mau uiraa:

  • Na vai i poiete i te taata e no te aha tatou e mauiui ai?

  • Eaha ta te Atua i rave no te faaora i te huitaata?

  • Eaha ta Iesu i rave no tatou?

  • Eaha te ananahi o te fenua e to te taata?

No te aha e ore ai e hi‘o poto noa i to muri nei mau api a ite atu ai i ta te Bibilia e parau ra?