Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

TE PARE TIAIRAA NOVEMA 2013

 TUMU PARAU MATAMUA | EAHA TE POROI O TE BIBILIA?

Mea nafea te ino i fa mai ai?

Mea nafea te ino i fa mai ai?

No te poieteraa o te ao nui, teie noa ta te Genese, te buka matamua o te Bibilia, e parau ra: “Hamani ihora te Atua i te ra‘i e te fenua i te matamua ra.” (Genese 1:1) Ua poiete te Atua i te mau raau e animara. I muri a‘e, ua hamani i te tane e vahine matamua, Adamu e Eva. Mea taa ê na taata i te animara, e tia hoi ia raua ia faatupu i te huru maitatai o te Atua. Ua horoa-atoa-hia ’tu te tiamâraa. Ia au i te faaotiraa, e maitai aore ra e ino to raua taairaa e te Atua. Ia haapaohia ta Iehova mau aratairaa e ia au i ta ’na opuaraa, e riro raua ei metua o te utuafare taata. E oaoa e e fana‘o atoa ïa i te ora tia roa e a muri noa ’tu.

A ite ai râ i te taata, ua mana‘o te tahi melahi e faatupu i to ’na hinaaro miimii, riro atura ïa Satani, te “Patoi” te auraa. Ua faaohipa oia i te tahi ophi e ua haavare ia Eva. Ua parau atu oia e eita e titauhia i ta te Atua aratairaa no te oaoa. Ua pee Adamu e Eva ia Satani, faataa ê atura ia raua i te Atua Poiete. No tera faaotiraa ino, ua ere to tatou na metua matamua i te ora mure ore e ua tutuu i te taatoaraa i te hara, te huru tia ore e te pohe.

Ua faaite oioi Iehova i ta ’na e rave no te faatitiaifaro i tera tupuraa peapea. Ua horoa ïa i te huaai a Adamu i te ravea e fana‘o ai i te ora mure ore. Ua fafau te Atua i te hoê “huaai” aore ra huero, tei taa ê, no te haamou ia Satani a faaore atu ai i te mau mauiui atoa ta ’na, ta Adamu e Eva i faatupu. (Genese 3:15) O vai tera huero? Na te tau e faaite mai.

Ua patoi noa Satani i te opuaraa maitai a te Atua. Ua rahi roa te hara e te ino i faaoti ai te Atua e haamou i te feia iino e te diluvi. Ua faaue oia ia Noa taiva ore ia hamani i te araka, te tahi afata rahi o te nehenehe e painu. E ora ’tu ïa o ’na, to ’na utuafare e te mau animara ta ’na e aratai atu i roto.

Hoê matahiti i muri a‘e i te diluvi, ua haere Noa e to ’na utuafare i rapae i te araka e ua itea i te hoê fenua mâ. Aita râ te huero i fa mai atura.

Faatiaraa o te Genese pene 1-11; Iuda 6, 14, 15; Apokalupo 12:9.