Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

TE PARE TIAIRAA NOVEMA 2013

Te pahono ra te Bibilia

Te pahono ra te Bibilia

E ora faahou anei tei pohe?

E au te pohe i te taime taotoraa. Aita ta te taata pohe e parau itea e aita atoa ta ’na e nehenehe e rave faahou i te ohipa. E tia râ i te Atua poiete ia faaho‘i mai i te ora maoti te tia-faahou-raa. No te haapapu mai i te reira, ma te mana ta te Atua i horoa ’tu, ua faatia faahou Iesu e rave rahi taata mai te pohe mai.—A taio i te Koheleta 9:5; Ioane 11:11, 43, 44.

No te aha e mea tano ai ia faaau i te pohe i te taime taotoraa?

Ua fafau te Atua e faatia faahou i te feia pohe ta ’na e haamana‘o no te ora ’tu i roto i te hoê ao apî parau-tia. A tiai noa ’tu ai i tera taime, e faaea ratou i roto i te pohe. E hinaaro rahi to te Atua Mana hope e faaohipa i to ’na puai ia ora faahou tei pohe.—A taio i te Ioba 14:14, 15.

Eaha te tupu ia tia faahou mai tei pohe?

E taa iho â i te feia ta te Atua e faatia faahou o vai to ratou utuafare, hoa e fetii. Noa ’tu e ua ino roa te tino o tei pohe, e nehenehe ta te Atua e faatia faahou atu i roto i te hoê tino apî.—A taio i te Korinetia 1, 15:35, 38.

Tau taata atoa te faatia-faahou-hia no te ora i te ra‘i. (Apokalupo 20:6) E faaho‘ihia mai râ te rahiraa i te ora no te parahi i te fenua nei, faarirohia ei paradaiso. E haamataraa apî ïa to ratou ma te tiaturiraa e ora e a muri noa ’tu.—A taio i te Salamo 37:29; Ohipa 24:15.

 

No te ite atu â

Teihea te feia pohe?

A haapii i te Bibilia no te ite teihea te feia pohe e no te aha te taata e pohe ai.

E tiaturiraa mau to to outou feia here i pohe

Ua pohe anei te hoê taata ta oe i here? E nehenehe anei e ite faahou ia ratou? Hi‘o i ta te Bibilia e haapii ra no nia i te tia-faahou-raa.