Levitiko 3:1-17
3 “‘Mai te peu e tusia no te hau+ ta ˈna tusia e mai te peu e hopoi mai oia i te hoê puaatoro, e oni anei aore ra e ufa, e hopoi mai ïa oia i te hoê puaatoro oraora maitai i mua ia Iehova.
2 E tuu oia i to ˈna rima i nia i te afii o ta ˈna tusia, e tupaihia te reira i te tomoraa o te tiahapa o te amuiraa, e e pîpî te mau tamaiti a Aarona, te mau tahuˈa, i te toto ati aˈe te fata.
3 E hopoi mai oia i te hoê tuhaa o te tusia no te hau ei tusia pûpûhia ia Iehova na roto i te auahi:+ te mii+ i nia iho i te aau, pauroa te mii ati aˈe te aau,
4 e na mape e piti e te mii i nia iho i na mape tei pihai iho i te tauupu. E tatara atoa oia i te puu o te upaa e na mape.+
5 E tutui te mau tamaiti a Aarona i te reira ia au auahi i nia i te fata, na nia iho i te tusia taauahi tei tuuhia i nia i te vahie i nia i te auahi.+ E tusia hauˈa noˈanoˈa au maitai* ia Iehova na roto i te auahi.+
6 “‘Mai te peu e mamoe aore ra e puaaniho ta ˈna tusia ei tusia no te hau ia Iehova, e hopoi mai ïa oia i te hoê oni aore ra ufa oraora maitai.+
7 Mai te peu e mamoe oni apî ta ˈna e hopoi mai ei tusia na ˈna, e hopoi mai ïa oia i te reira i mua ia Iehova.
8 E tuu oia i to ˈna rima i nia i te afii o ta ˈna tusia, e e tupaihia te reira i mua i te tiahapa o te amuiraa. E pîpî te mau tamaiti a Aarona i to ˈna toto ati aˈe te fata.
9 E hopoi mai oia i te mii o te tusia no te hau ei tusia pûpûhia ia Iehova na roto i te auahi.+ E tatara oia i te aero mii taatoa i pihai iho i te ivi tua, te mii i nia iho i te aau, pauroa te mii ati aˈe te aau,
10 e na mape e piti e te mii i nia iho i na mape tei pihai iho i te tauupu. E tatara atoa oia i te puu o te upaa e na mape.+
11 E tutui te tahuˈa i te reira ia au auahi i nia i te fata ei maa,* ei tusia pûpûhia ia Iehova na roto i te auahi.+
12 “‘Mai te peu e puaaniho ta ˈna tusia, e hopoi mai ïa oia i te reira i mua ia Iehova.
13 E tuu oia i to ˈna rima i nia i to ˈna afii, e tupaihia te reira i mua i te tiahapa o te amuiraa, e e pîpî te mau tamaiti a Aarona i to ˈna toto ati aˈe te fata.
14 Te tuhaa ta ˈna e hopoi mai ei tusia na ˈna pûpûhia ia Iehova na roto i te auahi, o te mii ïa i nia iho i te aau, pauroa te mii ati aˈe te aau,+
15 e na mape e piti e te mii i nia iho i na mape tei pihai iho i te tauupu. E tatara atoa oia i te puu o te upaa e na mape.
16 E tutui te tahuˈa i te reira ia au auahi i nia i te fata ei maa,* ei tusia hauˈa noˈanoˈa au maitai* pûpûhia na roto i te auahi. Na Iehova pauroa te mii.+
17 “‘E faatureraa vai maoro teie e hope noa ˈtu to outou mau uˈi, i roto i to outou mau nohoraa atoa: Eiaha roa outou e amu i te mii e te toto.’”+
