Levitiko 2:1-16
-
Te tusia huero maa (1-16)
2 “‘Mai te peu e hopoi mai te tahi taata i te hoê tusia huero maa+ ia Iehova, ei faraoa ota oro-maitai-hia ïa ta ˈna tusia, e ninii oia i te hinu i nia iho e e tuu oia i te tapau libano i nia iho.+
2 I muri iho, e hopoi mai oia i te reira i te mau tamaiti a Aarona, te mau tahuˈa, e rave te tahuˈa i te faraoa ota oro-maitai-hia, te hinu e te tapau libano taatoa ia î hoê rima, e e tutui oia i te reira ia au auahi i nia i te fata ei tusia taipe,*+ e tusia hauˈa noˈanoˈa au maitai* ia Iehova na roto i te auahi.
3 Tei toe mai o te tusia huero maa, na Aarona ïa e ta ˈna mau tamaiti,+ ei mea moˈa roa+ o te mau tusia ia Iehova na roto i te auahi.
4 “‘Mai te peu e hopoi mai oe i te hoê tusia huero maa tei euhia i roto i te umu, ei tusia ïa hamanihia i te faraoa ota oro-maitai-hia, te pane hopue ore mai te hei ra tei ôihia e te hinu aore ra te pai hopue ore paraihia i te hinu.+
5 “‘Mai te peu e tusia huero maa farai-pani-hia ta oe tusia,+ ei tusia ïa hamanihia i te faraoa ota hopue ore maitai roa ôihia e te hinu.
6 E ofatifatihia te reira, e e ninii oe i te hinu i nia iho.+ E tusia huero maa ïa.
7 “‘Mai te peu e tusia huero maa tunu-pani-hia ta oe tusia, ei tusia ïa hamanihia i te faraoa ota oro-maitai-hia e te hinu.
8 E hopoi mai oe i te tusia huero maa tei hamanihia i teie mau mea ia Iehova, e e faaitehia te reira i te tahuˈa, o te tapiri i te reira i te fata.
9 E rave te tahuˈa i te tahi tuhaa o te tusia huero maa ei tusia taipe,*+ a tutui atu ai ia au auahi i nia i te fata ei tusia hauˈa noˈanoˈa au maitai* ia Iehova na roto i te auahi.+
10 Tei toe mai o te tusia huero maa, na Aarona ïa e ta ˈna mau tamaiti, ei mea moˈa roa o te mau tusia ia Iehova na roto i te auahi.+
11 “‘Eiaha ei hopue to roto i te tusia huero maa ta outou e hopoi mai ia Iehova,+ eiaha hoi outou e tutui i te faraoa ôihia tei hopue aore ra te meri ia au auahi ei tusia pûpûhia ia Iehova na roto i te auahi.
12 “‘E nehenehe outou e hopoi mai i te reira ia Iehova ei tusia hotu matamua,+ eiaha râ te reira ia hopoihia i te fata ei mea hauˈa noˈanoˈa au maitai.*
13 “‘Ia tamitihia pauroa te tusia huero maa ta oe e pûpû, e eiaha oe e faaere i ta oe tusia huero maa i te miti papaa o te faufaa a to Atua. Pauroa te tusia ta oe e pûpû, e tamiti oe.+
14 “‘Mai te peu e hopoi mai oe i te tusia huero maa o te mau hotu paari matamua ia Iehova, e hopoi mai ïa oe i te huero maa apî* tunu-paa-hia i te auahi, te mau huero maa apî tei tuˈi-orarahi-hia, ei tusia huero maa o ta oe mau hotu paari matamua.+
15 E ninii oe i te hinu i nia iho e e tuu oe i te tapau libano i nia iho. E tusia huero maa ïa.
16 E tutui te tahuˈa i te reira ia au auahi ei tusia taipe,*+ oia hoi te tahi tuhaa o te mau huero maa orarahi, te hinu e te tapau libano taatoa, ei tusia pûpûhia ia Iehova na roto i te auahi.
Nota i raro i te api
^ Aore ra “ei tuhaa (taipe) haamanaˈoraa o te reira.”
^ Aore ra “tamǎrû.” Heb: “faahau.”
^ Aore ra “tamǎrû.” Heb: “faahau.”
^ Aore ra “ei tuhaa (taipe) haamanaˈoraa o te reira.”
^ Aore ra “tamǎrû.” Heb: “faahau.”
^ Aore ra “peenave huero maa puu.”
^ Aore ra “ei tuhaa (taipe) haamanaˈoraa o te reira.”
