Yoshua 21:1-45
21 Tsô mbayaav mba Mbalevi za hen pristi Eleasar+ man Yoshua wan u Nun kua mbayaav mba uipyaven mba Iserael,
2 ve za kaa a ve ken Shilo+ ken tar u Kaanan ér: “Yehova yange kaa a Mose ér, i na se agar a se tema ker, kua ajiir a hen agar shon, a uzendenya asev vea yaan toho yô.”+
3 Nahan Mbaiserael na Mbalevi agar ne,+ kua ajiir a lun a toho, a hen agar shon ken dyako ve la,+ er Yehova kaa nahan.
4 Tsô i er ishor maa ishor gba sha icombor i Mbakohati,+ nahan i dugh agar 13 ken ipyaven u Yuda+ man ipyaven u Shimion+ man ipyaven u Benyamin, i na Mbalevi mba ve lu ônov mba pristi Aron la.+
5 Shi i dugh agar pue ken icombor i ipyaven u Eferaim+ man ipyaven u Dan man vegher-ipyaven u Manase la,+ i na Mbakohati mba ve mase shin la.
6 Shi i dugh agar 13 ken icombor i ipyaven u Isakar man ipyaven u Asher man ipyaven u Nafetali kua vegher-ipyaven u Manase la ken Bashan+ i na Mbagershon.+
7 Ken icombor i Mbamerari+ di i dugh agar 12 ken ipyaven u Ruben man ipyaven u Gadi kua ipyaven u Sebulon+ la i na ve.
8 Kape Mbaiserael er ishor na Mbalevi agar ne kua ajiir a lun a toho a hen agar shon, vough er Yehova kaa a Mose ér i er nahan la je ne.+
9 Tsô i dugh agar a i ter ati a a shin heen ne ken ipyaven u Yuda man ipyaven u Shimion,+
10 maa i na ônov mba Aron mba ken icombor i Kohati ken ipyaven u Mbalevi la, sha ci u ishor vande gban sha a ve.
11 Yange i na ve Kiriati-arba,+ (Arba lu ter u Anaki), ka Heberon je la,+ hen haregh u iwoogh u Yuda, kua ajiir a lun a toho a a kase un la.
12 Kpa inya i hen gar la kua ajiir a her yô, i na Kalebu wan u Yefune, hingir dyako na.+
13 Shi i na ônov mba pristi Aron gar u aluer or wua or yô, nana yevese nana za yer ker yô,+ ka Heberon+ kua ajiir a na a lun a toho, man Libena+ kua ajiir a na a lun a toho
14 man Yatir+ kua ajiir a na a lun a toho, man Eshetemoa+ kua ajiir a na a lun a toho
15 man Holon+ kua ajiir a na a lun a toho, man Debir+ kua ajiir a na a lun a toho
16 man Ain+ kua ajiir a na a lun a toho, man Yuta+ kua ajiir a na a lun a toho, man Bete-shimeshi kua ajiir a na a lun a toho—kohol cii yô, lu agar ataankaranyiin i dugh ken uipyaven mba uhar mban ye.
17 Gema ken ipyaven u Benyamin yô lu: Gibeon+ kua ajiir a na a lun a toho, man Geba kua ajiir a na a lun a toho+
18 man Anatoti+ kua ajiir a na a lun a toho, man Alemon kua ajiir a na a lun a toho—kohol cii yô, lu agar anyiin.
19 Agar a i na ônov mba Aron mba ve lu upristi la cii yô, lu agar 13 kua ajiir a lun a toho a hen agar shon.+
20 Shi i er ishor, i dugh agar ken ipyaven u Eferaim la i na icombor i Kohati, i i mase shin ken ipyaven u Mbalevi la.
21 Ve na ve gar u aluer or wua or yô, nana yevese nana za yer ker yô,+ lu Shekem+ kua ajiir a na a lun a toho, a hen haregh u iwoogh u Eferaim, man Geser+ kua ajiir a na a lun a toho,
22 man Kibisaim kua ajiir a na a lun a toho, man Bete-horon+ kua ajiir a na a lun a toho—kohol cii yô, lu agar anyiin.
23 Shi ken ipyaven u Dan yô lu: Eleteke kua ajiir a na a lun a toho, man Gibeton kua ajiir a na a lun a toho
24 man Aiyalon+ kua ajiir a na a lun a toho, man Gati-rimon kua ajiir a na a lun a toho—kohol cii yô, lu agar anyiin.
25 Shi ken vegher-ipyaven u Manase yô lu: Taanaki+ kua ajiir a na a lun a toho, man Gati-rimon kua ajiir a na a lun a toho—kohol cii yô, lu agar ahar.
26 Agar a icombor i Mbakohati i i mase shin la ngohol cii yô, lu agar pue kua ajiir a lun a toho a hen agar shon.
27 Shi i dugh gar u aluer or wua or yô, nana yevese nana za yer ker la hen vegher-ipyaven u Manase la, i za na icombor i Mbagershon+ ken ipyaven u Mbalevi, ka Golan+ ken Bashan, kua ajiir a na a lun a toho, man Beshetera kua ajiir a na a lun a toho—kohol cii yô, lu agar ahar.
28 Shi ken ipyaven u Isakar yô lu:+ Kishion kua ajiir a na a lun a toho, man Daberati+ kua ajiir a na a lun a toho
29 man Yarmuti kua ajiir a na a lun a toho, man En-ganim kua ajiir a na a lun a toho—kohol cii yô, lu agar anyiin.
30 Shi ken ipyaven u Asher yô lu:+ Mishal kua ajiir a na a lun a toho, man Abedon kua ajiir a na a lun a toho
31 man Helkati+ kua ajiir a na a lun a toho, man Rehobi+ kua ajiir a na a lun a toho—kohol cii yô, lu agar anyiin.
32 Shi ken ipyaven u Nafetali yô lu: Kedeshi+ ken Galilia, gar u aluer or wua or yô, nana yevese nana za yer ker la,+ kua ajiir a na a lun a toho, man Hamoti-dor kua ajiir a na a lun a toho, man Karetan kua ajiir a na a lun a toho—kohol cii yô, lu agar atar.
33 Agar a icombor i Mbagershon cii yô, lu 13 kua ajiir a lun a toho a hen agar shon.
34 Shi icombor i Merari+ i i mase shin ken Mbalevi la ngohol agar ne hen ipyaven u Sebulon, ka:+ Yokeneam+ kua ajiir a na a lun a toho, man Karta kua ajiir a na a lun a toho
35 man Dimena kua ajiir a na a lun a toho, man Nahalal+ kua ajiir a na a lun a toho—kohol cii yô, lu agar anyiin.
36 Shi ken ipyaven u Ruben yô lu: Beser+ kua ajiir a na a lun a toho, man Yahashi kua ajiir a na a lun a toho+
37 man Kedemoti kua ajiir a na a lun a toho, man Mefaati kua ajiir a na a lun a toho—kohol cii yô, lu agar anyiin.
38 Shi ken ipyaven u Gadi yô lu:+ Ramoti ken Gileadi,+ gar u aluer or wua or yô, nana yevese nana za yer ker la, kua ajiir a na a lun a toho man Mahanaim+ kua ajiir a na a lun a toho
39 man Heshebon+ kua ajiir a na a lun a toho, man Yaser+ kua ajiir a na a lun a toho—kohol cii yô, lu agar anyiin.
40 Agar a i na icombor i Mbamerari mba ve mase shin ken icombor i Mbalevi la, kohol cii yô, lu agar 12.
41 Agar a Mbaiserael na Mbalevi hen atô ve cii yô lu agar 48, kua ajiir a lun a toho a agar shon.+
42 Hanma gar ne yô, toho wa kase un ningir tser—agar ne cii lu nahan.
43 Nahan Yehova na Mbaiserael cii tar u yange bum a uter vev ér una na ve la,+ maa ve ngohol u ve tema ker.+
44 Yehova shi na ve mmem sha hanma vegher cii, vough er yange bum a uter vev nahan,+ shi mbahyomov vev cii fatyô u tilen nôngon kwagh a ve ga.+ Yehova na mbahyomov vev cii sha ikyev ve.+
45 Ityendezwa i môm ken uityendezwa mba dedoo mba Yehova er a ya u Iserael cii gba inya ga; ve cii ve kure sha mi.+
