Yoshua 13:1-33
13 Hen shighe ne, Yoshua bee iyol, za ayange.+ Nahan Yehova kaa a na ér: “U bee iyol shi u za ayange, kpa tar la shi her zegenan, u i lu a ngohol ga yô.
2 Ka tar u u shi her je ne:+ uharegh mba Mbafiliti cii man uharegh mba Mbageshur cii,+
3 (hii ape ifi u Nil* a te gbaa la, ka vegher u sha ityoughkitaregh ki* Igipiti, kôndo yem hen ikighirtar i Ekeron, vegher u ken imbusutarimese, u yange i nengen un ér ka haregh u Mbakaanan la)+ kua haregh u mbahemenev mba Mbafiliti+ mba utaan mbara—ka Mbagasa man Mbaashedodi+ man Mbaashekelon+ man Mbagati+ kua Mbaekeron je la;+ man haregh u Avim+
4 yem vegher u ken imbusutariyan la; man tar u Mbakaanan cii; man Meara, haregh u Mbashidon,+ zan zan nyôr Afeki, hen ikighirtar i Mbaamor la;
5 man tar u Mbagebal+ cii man Lebanon cii, yem vegher u sha ityoughkitaregh la, hii hen Baal-gadi, hen itine i Uwo u Hermon zan zan yem nyôr Lebo-hamati;*+
6 man mba ve tem hen haregh u iwoogh la cii, hii hen Lebanon+ yem Miserefoti-maim;+ kua Mbashidon cii.+ Me zenda ve sha ishigh ki Mbaiserael kera.+ Kwagh u i gbe u u er yô, na Iserael tar la, u hingir dyako na, vough er m kaa u nahan.+
7 Hegen yô, gba u u kar tar ne, ua hingir dyako u uipyaven mba utaankarunyiin mbara, man vegher-ipyaven u Manase la kpee je.”+
8 Mbaruben man Mbagadi ngohol dyako ve, u yange Mose na ve vegher u sha ityoughkitaregh ki Yordan la vea vegher-ipyaven u Manase ugen la, vough er Mose ortom u Yehova vande nan ve nahan:+
9 hii hen Aroer+ u a lu hen kpe u Pev* u Arnon+ la, man gar u a lu hen atô u pev la, kua ajiir a taven a lun vaanaan a Medeba, yem nyôr Dibon;
10 man agar a Shihon, tor u Mbaamor cii, u yange hemen hen Heshebon la, kôndo yem hen ikighirtar i Mbaamon;+
11 kua Gileadi man haregh u Mbageshur man Mbamaakati+ man Uwo u Hermon cii man Bashan+ cii, yem za nyôr Saleka;+
12 man tartor u Ogo ken Bashan cii; un hemen ken Ashetaroti man ken Ederei. (Un lu môm ken Mbarefaim mba ve mase shin her la.)+ Mose yange hemba ve ityav shi zenda ve kera.+
13 Kpa Mbaiserael zenda+ Mbageshur man Mbamaakati ga, gadia Geshur man Maakati mba hen atô u Iserael zan zan nyian.
14 Lu ipyaven u Mbalevi tseegh Mose na ve dyako ga ye.+ Gadia iniav mbi í nanden sha usu sha ci u Yehova Aôndo u Iserael la ka dyako ve,+ vough er yange vande tôndon zwa a ve nahan.+
15 Shi Mose na ipyaven u Mbaruben dyako sha icombor ve,
16 nahan haregh ve yange hii hen Aroer u a lu sha kpe u Pev* u Arnon la, man gar u a lu hen atô u pev la, man ajiir a taven a lun vaanaan a Medeba la cii;
17 man Heshebon kua ugeri nav+ mba ve lu sha ajiir a taven a lun vaanaan la cii, man Dibon man Bamoti-baal man Betebaal-meon,+
18 man Yahashi+ man Kedemoti+ man Mefaati+
19 man Kiriataim man Shibema+ man Sereti-shahar, u lu sha uwo u pev* la,
20 man Bete-peor man upev mba Pisega+ man Bete-yeshimoti,+
21 man agar a sha ajiir a taven a lun vaanaan la cii, man tartor u Shihon, tor u Mbaamor, u hemen ken Heshebon+ la cii. Mose hemba un ityav+ kua mbahemenev mba Mbamidian mbara, ka Evi man Rekem man Sur man Hur man Reba,+ ator a kiriki a a lu sha ikyev i Shihon, a a lu ken tar shon je la.
22 Yange Mbaiserael wua Balam+ wan u Beor, orkpehenishor+ la vea mbagenev mbara cii sha sanker.
23 Yordan lu ikighirtar i Mbaruben; nahan haregh ne lu dyako u Mbarubem u i na icombor ve yô, kua agar a i maa i kase man ajiir a agar ne, a i maa i kase ga yô.
24 Heela tseegh ga, Mose na ipyaven u Gadi dyako na, ka icombor i Mbagadi je la,
25 nahan haregh ve kua Yaser+ man agar a Gileadi cii man tiôntar u Mbaamon,+ zan zan yem nyôr Aroer, u a ne ishigh ken Raba+ la;
26 shi hii hen Heshebon+ yem Ramati-misepe man Betonim, man hii hen Mahanaim+ yem hen ikighirtar i Debir la;
27 man shin pev* la yô, lu Bete-haram man Bete-nimra+ man Sukoti kua Safon,+ ajiir a ken tartor u Shihon, tor u Heshebon+ a a mase shin la. Ikighirtar ve lu hen Yordan ape Zegemnger u Kinereti*+ a kighir, vegher u sha ityoughkitaregh ki Yordan la.
28 Ngun lu dyako u i na icombor i Mbagadi yô, kua agar a i maa i kase man ajiir a agar ne, a i maa i kase ga yô.
29 Shi Mose na vegher-ipyaven u Manase la dyako na, ka icombor i vegher-ipyaven u Manase je la.+
30 Haregh ve hii hen Mahanaim+ yem za kua Bashan cii, man tartor u Ogo tor u Bashan cii, man agar a kiriki a Yair,+ a i er utenti her ken Bashan la cii. Kohol cii lu ugeri 60.
31 Kpa gema tiôntar u Gileadi,+ kua Ashetaroti man Ederei, agar a tartor u Ogo ken Bashan la yô, i na ônov mba Makir+ wan u Manase, ka icombor i ônov mba Makir mbagen je la.
32 Ka udyako mba Mose yange na ve hen taaikyôngo u Moabi Yordan yande la, vegher u sha ityoughkitaregh ki Yeriko je la.+
33 Kpa ipyaven u Mbalevi yô, Mose na ve dyako ga.+ Yehova Aôndo u Iserael ka dyako ve, vough er yange vande tôndon zwa a ve nahan.+
