Eseta 6:1-14
-
Tor na Mordekai icivir (1-14)
6 Hen tugh mbura tor fatyô u yaven ga.* Nahan a kaa ér i va un a takeda u yiase i sha ashighe la,+ tsô i va a u i va ôr sha ishigh ki tor.
2 Ken takeda la, i zua a ngeren u a ôr kwagh u Mordekai yange va ôr sha kwagh u Bigetan man Tereshi, iorov uhar mba eren tom ken ya u tor mba ve kuran ihinda mba yange ve lu wan ishima u been a* Tor Ahasueru kera la.+
3 Tsô tor pine ér: “I na Mordekai icivir man injar sha kwagh ne je kpa?” Nahan mbatomov mba tor kaa ér: “I na un kwagh môm ga.”
4 Shighe kar yô tor pine ér: “Ka an nan lu ken tembe?” Shighe ne Haman gema va ken tembe u ken won+ hen ya u tor, sha er una va lam a tor sha kwagh u senden Mordekai sha ityôgh ki un tim sha ci na la yô.+
5 Mbatomov mba tor mbara gema kaa a na ér: “Ka Haman+ a til hen tembeya ye.” Tsô tor kaa ér: “Ôr un nen a nyôr ker.”
6 Haman nyer ker yô, tor pine un ér: “Ka nyi i doo u a er a or u i lu tor ape nan nan icivir laa?” Haman maa kaa ken ishima na ér: “Dugh mo sha yô ka an ugen a lu tor ape nan nan iciviri?”+
7 Maa Haman kaa a tor ér: “Or u i lu tor ape nan nan icivir la yô,
8 i va a ikyondo i tor a huan yô,+ man nyinya u tor a hendan u i cir un idyer i tor yô.
9 I gema akondo la kua nyinya la i na môm ken mbatarev mba tor mba icivirigh, i wuha or u i lu tor ape nan nan icivir la iyol sha akondo la shi nana tema sha nyinya la, i zende a nan ken tembe. I yôôn nan sha hemen ér: ‘Kape a er a or u i lu tor ape nan nan icivir je ne!’”+
10 Maa tor kaa a Haman ér: “Tôô ase akondo la fese kua nyinya la! Er kwagh u u ôr la a Mordekai Oryuda u a teman sha hunda u ya u tor la. Er hanma kwagh u u ôr la cii, de undun kwagh môm ga.”
11 Nahan Haman tôô akondo la kua nyinya la a za hua Mordekai,+ shi a ver un a tema sha mi a zende a na ken tembe, a lu yemen sha hemen na ôron ér: “Kape a er a or u i lu tor ape nan nan icivir je ne!”
12 Mba been yô, Mordekai hide yem hen hunda u ya u tor, kpa Haman hide yem hen ya na fese, lu zungwen shi a cir kwagh sha ityo.*
13 Zum u Haman za ôr kwase na Sereshi+ kua azende a na cii hanma kwagh u er un ne yô, ior nav mba fan kwagh kua kwase na Sereshi kaa a na ér: “Aluer Mordekai u u hii u gban sha ishigh nagh ne, due ken Yuda* yô, u fatyô u hemban un ga; kpa u gba sha ishigh nagh kpee je.”
14 Er ve lu lamen a na la je, mbatomov mba tor va nyôr, ve tôô Haman fese ve yem a na hen iwer i Eseta yôr la.+
