சங்கீதம் 116:1-19
116 நான் யெகோவாமேல் அன்பு வைத்திருக்கிறேன்.ஏனென்றால், அவர் என் குரலைக் கேட்கிறார்,* உதவிக்காக நான் கெஞ்சுவதைக் கேட்கிறார்.+
2 நான் சொல்வதைக் காதுகொடுத்து* கேட்கிறார்.+நான் உயிரோடு இருக்கும் காலமெல்லாம் அவரை நோக்கி வேண்டுவேன்.
3 மரணக் கயிறுகள் என்னைச் சுற்றிக்கொண்டன.கல்லறையின் பிடியில் சிக்கிக்கொண்டேன்.+
துன்பத்திலும் துயரத்திலும் மூழ்கிப்போனேன்.+
4 அப்போது, நான் யெகோவாவின் பெயரைச் சொல்லி வேண்டினேன்.+
“யெகோவாவே, என்னைக் காப்பாற்றுங்கள்!” என்று கதறினேன்.
5 யெகோவா கரிசனையுள்ளவர்,* நீதியுள்ளவர்.+நம் கடவுள் இரக்கமுள்ளவர்.+
6 அனுபவம் இல்லாதவர்களை யெகோவா காக்கிறார்.+
நான் துவண்டுபோனேன், அவர் என்னைக் காப்பாற்றினார்.
7 யெகோவா எனக்கு அன்போடு உதவினார்.அதனால், நான் மறுபடியும் நிம்மதியாக இருப்பேன்.
8 கடவுளே, நீங்கள் என்னை மரணத்திலிருந்து காப்பாற்றினீர்கள்.என் கண்கள் கலங்காதபடியும்,என் கால்கள் தடுமாறாதபடியும் பார்த்துக்கொண்டீர்கள்.+
9 இந்த உலகத்தில் நான் தொடர்ந்து யெகோவாவுக்கு முன்பாக நடப்பேன்.
10 நான் விசுவாசம் வைத்தேன், அதனால் பேசினேன்.+நான் பயங்கர கஷ்டத்தில் தவித்தேன்.
11 நான் பதறிப்போய்,
“மனிதர்கள் எல்லாருமே பொய்யர்கள்”+ என்று சொன்னேன்.
12 யெகோவா எனக்குச் செய்திருக்கிற எல்லா நன்மைகளுக்காகவும்நான் அவருக்கு என்ன கைமாறு செய்வேன்?
13 மீட்பு* என்ற கிண்ணத்தை எடுத்துக்கொள்வேன்.யெகோவாவின் பெயரைச் சொல்லி வேண்டிக்கொள்வேன்.
14 யெகோவாவிடம் நேர்ந்துகொண்டதையெல்லாம்அவருடைய மக்கள் எல்லாருக்கும் முன்பாக நிறைவேற்றுவேன்.+
15 யெகோவா தனக்கு உண்மையாக* இருப்பவர்களின் மரணத்தைபெரிய இழப்பாக* நினைக்கிறார்.+
16 யெகோவாவே, நான் உங்கள் ஊழியன்.அதனால் உங்களிடம் கெஞ்சிக் கேட்கிறேன்.
நான் உங்கள் ஊழியன், உங்களுடைய அடிமைப்பெண்ணின் மகன்.
என்னுடைய கட்டுகளிலிருந்து என்னை விடுவித்தீர்கள்.+
17 நான் உங்களுக்கு நன்றிப் பலியைச் செலுத்துவேன்.+யெகோவாவின் பெயரைச் சொல்லி வேண்டிக்கொள்வேன்.
18 யெகோவாவிடம் நேர்ந்துகொண்டதையெல்லாம்அவருடைய மக்கள் எல்லாருக்கும் முன்பாக நிறைவேற்றுவேன்.+
19 யெகோவாவின் ஆலயப் பிரகாரங்களிலே,+எருசலேமின் நடுவிலே அவற்றை நிறைவேற்றுவேன்.
“யா”வைப் புகழுங்கள்!*+
அடிக்குறிப்புகள்
^ அல்லது, “யெகோவா என் குரலைக் கேட்பதால் எனக்குள் அன்பு பொங்குகிறது.”
^ வே.வா., “குனிந்து.”
^ வே.வா., “கனிவுள்ளவர்.”
^ வே.வா., “மாபெரும் மீட்பு.”
^ வே.வா., “பற்றுமாறாமல்.”
^ நே.மொ., “மதிப்புள்ளதாக.”
^ வே.வா., “அல்லேலூயா!” “யா” என்பது யெகோவா என்ற பெயரின் சுருக்கம்.