Piki tapu aksi fu Bijbel
Fu san ede wi musu memre a dede fu Yesus?
Sortu libi a dede fu Yesus o tyari kon gi libisma?
A dede fu Yesus na a moro prenspari sani di pasa na grontapu. A dede so taki libisma kan kisi a libi di Gado ben wani taki den abi. Gado no ben meki libisma fu du ogri, fu siki, noso fu dede (Genesis 1:31). Na a fosi man Adam tyari sondu kon na grontapu. Ma Yesus gi en libi fu frulusu wi fu sondu nanga dede.
Gado sori taki a lobi wi fu di a seni en Manpikin kon na grontapu fu dede gi wi (1 Yohanes 4:9, 10). Yesus taigi den bakaman fu en fu memre a dede fu en. Den ben musu gebroiki brede nanga win, na presi fu du wan lo sani. Te wi e du disi ibri yari, dan wi e sori taki wi e warderi a lobi di Gado nanga Yesus sori gi wi.
Suma mag nyan fu a brede èn dringi fu a win?
Di Yesus taigi den disipel fu en fu memre a dede fu en, dan a ben taki fu wan frubontu, noso wan kruderi (Mateyus 26:26-28). A kruderi dati ben e gi den disipel nanga wan pikin grupu sma na okasi fu tron kownu nanga priester nanga Yesus na hemel. Aladi milyunmilyun sma e memre a dede fu Yesus, toku soso den wan di de na ini a frubontu e nyan fu a brede èn e dringi fu a win.
Sowan 2000 yari kaba, Yehovah e teki den wan di o tron kownu (Lukas 12:32). Ma den sma disi no furu so, te yu luku omeni sma o libi fu têgo na grontapu.
Kande yu lobi den tori disi tu
SUMA NA WI
Memre a dede fu Yesus
Yehovah Kotoigi e gi yu wan kari fu de na a konmakandra pe den o memre a dede fu Yesus tapu 12 april 2025.
A WAKTITOREN
Fu san ede wi musu memre a dede fu Yesus?
Furu sma e hori Kresneti fu memre a dei di Yesus gebore èn den e hori Pasen fu memre a dei di a opobaka. Ma fu san ede Yehovah Kotoigi feni en prenspari fu memre a dede fu Yesus?
AKSI DI FURU SMA ABI
Fu san ede Yehovah Kotoigi e hori na Avondmaal fu Masra tra fasi leki den tra kerki?
Den e kari en a Lasti Avondmaal noso a Memrefesa fu a dede fu Krestes tu. Disi na a moro santa okasi gi Yehovah Kotoigi. Luku san Bijbel e taki fu na okasi disi.
