“Kwizera ni ukuba witeze ko ibintu wiringiye bizabaho nta kabuza ufite ibimenyetso simusiga ko ari ukuri nubwo biba bitagaragara.”—Abaheburayo 11:1, Bibiliya y’Ubuhinduzi bw’Isi nshya.

 “Kwizera ni ukumenya rwose ibyiringirwa udashidikanya ko bitazaba, kandi ni ko kuduhamiriza ibyo tutareba ko ari iby’ukuri.”—Abaheburayo 11:1, Bibiliya Yera.

 Uyu murongo usobanura mu magambo make icyo ukwizera ari cyo kandi ukanerekana ko kwizera bikubiyemo ibirenze gusa ibyo umuntu yemera.

 “Kwizera ni ukuba witeze ko ibintu wiringiye bizabaho nta kabuza.” Ijambo ry’Ikigiriki ryakoreshejwe mu mwandiko w’umwimerere rihindurwamo “ukwizera” mu baheburayo 11:1, nanone rishobora gusobanura ikizere, kwiringira cyangwa ubushobozi bwo kwemeza. Ukwizera nk’uko ntikuba gushingiye ku byifuzo gusa ahubwo uba “witeze ko ibintu wiringiye bizabaho.” Ijambo ry’ikigiriki ryahinduwemo “witeze ko ibyo wiringiye bizabaho” a nanone rishobora guhindurwamo “Ikemezo” gihamiriza umuntu cyangwa kikamwemeza ko bintu runaka ari ukuri.

 ‘Ukwizera ni . . . ukuba ufite ibimenyetso simusiga ko ibintu ari ukuri nubwo biba bitagaragara.’ Ukwizera kuba gushingiye ku bimenyetso bifatika. Ibyo bimenyetso biba bihagije kugira ngo umuntu yemere ko ibintu ari ukuri nubwo aba atarabibona.

 Igitabo cy’Abaheburayo ni ibaruwa intumwa Pawulo yandikiye abakristo bo mu kinyejana cya mbere bari batuye i Yerusalemu no hafi yaho. Muri iyo baruwa Pawulo yavuze ku kamaro ko kwizera. Urugero, yaranditse ati: “Umuntu udafite ukwizera ntashobora kuyishimisha, kuko uwegera Imana agomba kwemera ko iriho kandi ko igororera abayishakana umwete” (Abaheburayo 11:6). Pawulo amaze gusobanura icyo kwizera ari cyo mu Baheburayo 11:1, yatanze ingero z’abagabo n’abagore bavugwa muri Bibiliya bagaragaje uwo muco. Yanavuze uburyo bagaragaje ukwizera, bagakora ibyo Imana ishaka.—Abaheburayo 11:4-38.