Ikipe y’abubatsi irimo ishyiraho itiyo nini cyane y’amazi azakoreshwa muri icyo kigo, hifashishijwe imashini ebyiri zabigenewe. Inzu igaragara hakurya ni iy’ibiro.

Barimo bashyiraho ibikoresho by’ubwubatsi byabigenewe byomekwa ku nkuta. Hatoranyijwe amabara atandukanye y’ibyo bikoresho mu rwego rwo guhuza n’uko aho hantu hateye.

Abubatsi barimo banogereza aho bamaze kumena beto bifashishije imashini zabigenewe.

Ifoto yafatiwe mu kirere mu gice cy’amajyaruguru y’iburasirazuba bw’ikibanza. Hino imbere: abubatsi barimo batunganya ahazashyirwa parikingi y’abashyitsi. Sharupante y’ibyuma izakoreshwa mu gusakara ikirongozi gihuza inzu zombi z’ibiro, ahagana ibumoso, yararangiye. Inzu ya ruguru n’iyo hepfo zikorerwamo imirimo itandukanye, zigaragara hakurya.

Hafi y’inzu y’amacumbi ya A: umukozi urimo areba ko ubusitani butunganyijwe uko bikwiriye. Kubera ko ubusitani bwatewe mbere y’uko imirimo yo kubaka itangira, amazu azuzura ibiti n’ibindi bimera byarafashe.

Abashinzwe iby’amarangi barimo basiga irangi ryabigenewe muri parikingi. Uyu w’ibumoso, yambaye inkweto zihariye, kuko zitishushanya aho bamaze gusiga. Iri rangi barimo basiga ridapfa gukoboka cyangwa ngo ryangizwe n’amavuta, ni ryo rikwiranye n’ahantu nk’aha ho guparika imodoka.

Abakozi barimo bapima kandi bagakata imigozi izaba ifashe ibyuma bishyushya ahantu hagari ho gukorera.

Abubatsi barimo basiga mu nzu y’ibiro irangi ribanza. Ibi bintu bigaragara hejuru yabo, ni imashini zitanga ubukonje n’ubushyuhe cyangwa umuyaga zifunitse mu mashashi y’umukara.

Abubatsi barimo bateranya ibyuma byubatse igisenge cy’aho bakirira abantu.

Abubatsi barimo bashyira ibirahure binini ku cyumba cyo kuriramo no ku cyumba cyo guteraniramo bifashishije imashini yabigenewe.

Abakora imirimo irebana n’ibya tekiniki barimo batunganya imitwe y’insinga. Ugereranyije, muri buri dari ry’iyo nzu y’ibiro y’amagorofa ane, hazanyuramo insinga zireshya n’ibirometero 50. Uburyo iryo dari ryubatse, buzorohereza abubatsi mu gihe haba hari icyo bateganya guhindura mu gihe kiri imbere.

Abo mu ikipe y’ubutabazi barimo bitoza uko batabara mu gihe hagize uhanuka ku gikwa, agafatwa n’imikandara yambaye yabigenewe.

Abakozi barimo batunganya ahazasaswa amapave. Iruhande rw’aho, hari imashini nto icukura ahazaterwa indabyo zihabereye.

Ifoto yafatiwe mu kirere. Ibyuma bitanga ingufu ziturutse ku mirase y’izuba byashyizwe ku bisenge by’amazu akorerwamo imirimo itandukanye, no ku nzu y’ibiro.

Umukozi wo mu ikipi ikora finisaje arimo ashyira amakaro mu kirongozi cy’igorofa rya gatatu. Biriya bintu bijya gusa n’umuhondo bishashe hagati y’amakaro n’isima, kandi biyarinda kunyerera mu gihe ibyo arambitseho bivuye mu mwanya wabyo.

Abakozi bafatira amafunguro muri iki cyumba cyo kuriramo cy’agateganyo. Aha harira abantu bagera ku gihumbi buri munsi, mu byiciro bitatu.

Amakamyo atwaye ibikoresho anyura hafi y’inzu y’ibiro. Ahagana iburyo, hari ibintu byabigenewe byashyizwe ku ibaraza kugira ngo mu cyumba cyo kuriramo n’icyo guteraniramo haboneke agacucu mu gihe k’izuba.

Abo mu ikipe ikora finisaje, barimo bashyiraho tapi muri gahunda idasanzwe y’abavoronteri. Amatorero yose yo mu Bwongereza no muri Irilande yasabwe kujya yohereza abavoronteri bo gufasha umunsi umwe. Kugeza mu mpera za Gashyantare, hari hamaze kuza abavoronteri basaga 5.500.

Abubatsi barimo bubaka urukuta rurerure rutandukanya ibyumba mu nzu. Inkingi zijya gusa n’umuhondo zigaragara aha, ni izerekana aho barimo bakorera, batagomba kurenga.

Abakozi barimo basukura aho bazajya bakirira abantu, hamaze kubakwa.