Di Dos Karta di Huan 1:1-13
1 Esaki ta un karta ku ami, e ansiano,* ta skirbi e señora skohí* i su yunan. Di bèrdat mi ta stima boso, pero no ami so, sino tur e hendenan ku a siña konosé e bèrdat tambe ta stima boso.
2 Nos ta stima boso pa motibu di e bèrdat ku ta den nos kurason i ku lo keda den nos kurason pa semper.
3 Dios, e Tata, i Hesukristu, Yu di e Tata, ta duna nos bondat inmeresí, miserikòrdia i pas, i nan lo stima nos i siña nos tur loke ta bèrdat.*
4 Mi ta masha kontentu, pasobra mi a haña sa ku algun di bo yunan ta kana den e bèrdat,+ di akuerdo ku e mandamentu ku e Tata a duna nos.
5 Pues awor, señora, mi ta pidi bo pa laga nos stima otro. (No ta un mandamentu nobo mi ta duna bo, sino un ku nos tabatin for di tempu ku nos a kuminsá siña tokante Kristu.*)+
6 I esaki ta loke amor ta nifiká: Nos ta sigui biba di akuerdo ku e Tata su mandamentunan.+ Esaki ta e mandamentu ku boso a tende for di tempu ku boso a kuminsá siña tokante Kristu: Boso mester sigui mustra amor.
7 Tene kuidou, pasobra tin hopi gañadó den mundu;+ nan ta hende ku no ta deklará públikamente ku Hesukristu a bini na tera komo hende.+ Un hende asina ta gañadó i antikristu.*+
8 Tene kuidou pa boso no pèrdè e kosnan ku nos a traha duru pa alkansá, i sòru pa boso risibí e rekompensa kompleto.+
9 Ken ku ta desviá for di e siñansanan di Kristu i ku ta siña hende otro kos no tin aprobashon di Dios.+ Un hende ku ta sigui e siñansanan di Kristu sí tin aprobashon di tantu e Tata komo e Yu.+
10 Si un hende ta bini serka boso i e no ta bini ku e siñansanan akí, no risibié nunka den boso kas+ ni kumind’é.
11 Pasobra un hende ku kumind’é ta kómplise di su maldat.
12 Aunke mi tin hopi kos di konta boso, mi no ke pone nan den un karta. Mas bien, mi ta spera di por bini serka boso i papia ku boso kara kara pa boso por ta felis.
13 Señora skohí, e yunan di bo ruman muhé ta manda kumindamentu pa bo.
