Anto so mamapakiwas ed sikatayon mantultuloy a tumboken si Jesus? Onia so ebat nen apostol Pablo: “Say panangaro na Kristo so mamapakiwas ed sikami.” (2 Corinto 5:14) Diad sayan seksion et aralen tayo so nipaakar ed panangaro nen Jesus ed si Jehova, ed katooan, tan ed sikatayo bilang indibidual. Say panaral tayo ed saya so peteg a makapakiwas. Natenyeg so kapusoan tayo, tan nadagdag itayon onkiwas tan paaligwasey pananumbok tayo ed ehemplo na Katawan tayo.