Karpentero. Managmilagro. Managpaabig. Ginawa nen Jesus irayan amin tan say arum ni ra. Balet, aliwan ontan so impanawag na totoo ed sikato. Sikatoy tinawag dan Managbangat. On, say manunan kimey to et ‘ibangat tan ipulong so maong a balita.’ (Mateo 4:23) Bilang papatumbok nen Jesus, satan met so kimey tayo. Diad sayan seksion, aralen tayo so ehemplo to a mangipapanengneng no panon tayon gawaen itan.