(Taem: 54:56)

Jisas i hilim ol man we oli sik, i ronemaot dimon long ol man, i pulum ol man oli kam disaepol, mo i jusumaot ol twelef aposol. Long Episod ya i gat ol haf ya:

• Jisas i go long Kapaneam, i stap tijim ol man long sinagog mo i stap ronemaot ol spirit we oli no klin (Mak 1:21-29; Luk 4:31-37)

• Jisas i mekem mama blong waef blong Pita i kam gud bakegen (Luk 4:38, 39; Matiu 8:14, 15; Mak 1:30, 31)

• Jisas i mekem plante narafala man tu oli kam gud bakegen (Luk 4:40, 41; Matiu 8:16, 17; Mak 1:32-34)

• Jisas i stap long wan ples we i no gat man long hem, i prea (Mak 1:35-38; Luk 4:42, 43)

• Jisas i stap prij, i stap tijim ol man, mo i mekem ol man oli kam gud bakegen (Matiu 4:23-25; Mak 1:39)

• Jisas i mekem wan man we i gat leprosi, i kam gud bakegen (Mak 1:40-45; Matiu 8:1-4; Luk 5:12-15)

• Jisas i go long wan ples we i no gat man long hem mo i prea (Luk 5:16)

• Jisas i fogivim wan man long Kapaneam we bodi blong hem i ded, mo i mekem hem i kam gud bakegen (Mak 2:1-12; Matiu 9:1-8; Luk 5:17-26)

• Jisas i singaotem Matiu blong i kam man blong hem (Mak 2:13, 14; Matiu 9:9; Luk 5:27-28)

• Jisas i stap kakae wetem ol man blong tekem takis long haos blong Matiu (Mak 2:15-17; Matiu 9:10-13; Luk 5:29-32)

• Ol disaepol blong Jon oli stap askem kwestin long saed blong fasting (Matiu 9:14-17; Luk 5:33-39; Mak 2:18-22)

• Jisas i stap prij long ol sinagog long Judia (Luk 4:44)

• Jisas i mekem wan sikman we i stap long pul blong wota long Betsata, i kam gud bakegen long Sabat (Jon 5:1-9)

• Ol man Jiu oli tok strong long man ya we Jisas i mekem hem i kam gud bakegen (Jon 5:10-13)

• Jisas i faenem man ya bakegen long tempol (Jon 5:14, 15)

• Jisas i stap tokbaot raet ya we Papa blong hem i givim long hem (Jon 5:16-24)

• Sipos ol man we oli ded long saed blong spirit oli lesin long voes blong Jisas, bambae oli laef (Jon 5:25-27)

• Olgeta we oli ded, oli stap long ol memoriol tomb bambae oli laef bakegen (Jon 5:28-30)

• Jon Baptaes, ol wok blong Jisas, ol wok blong Papa, mo olgeta Tok blong Baebol, oli Witnes long saed blong Jisas (Jon 5:31-47)

• Jisas i “Masta blong Sabat tu” (Mak 2:23-28; Matiu 12:1-8; Luk 6:1-5)

• Jisas i mekem wan man we raet han blong hem i ded, i kam gud bakegen long Sabat (Luk 6:6-11; Matiu 12:9-14; Mak 3:1-6)

• Wan bigfala hip blong ol man oli stap long so; Jisas hem i man blong wok blong God we Hem i lavem hem tumas; Jisas i mekem plante man oli kam gud (Mak 3:7-12; Matiu 12:15-21)

• Jisas i jusumaot ol 12 aposol (Luk 6:12-16; Mak 3:13-19a)